Jólagjafir fyrir hann, hana og alla hina

Gjafir sem undirstrika vandamálin þín falla misvel í kramið, eins og til dæmis að fá svitalyktareyði í jólagjöf (er í alvöru svona vond lykt af mér??). Unglingurinn verður þó líklegast bara þakklátur fyrir að fá lausn við bólunum.

Hér er mikið í húfi. Ef förðun fegurðardrottningarinnar á að ganga upp, þarf góðan grunn áður en hafist er handa. Martröðin hennar er nefnilega að öll vinnan fari í vaskinn vegna þess að hún undirbjó húðina ekki nógu vel. Þá er rakagefandi pakkinn tilvalinn: dagkremið er fullkomið undir farða því það gengur fljótt inn í húðina og 24 stunda kremið nærir húðina yfir nóttina.

Vinasamband ykkar hefur verið stirt undanfarið, og nú er kominn tími til að grafa stríðsöxina í tilefni jólanna. Hvað er þá betra en pakki af græðandi kremum? Þau hafa græðandi áhrif á húðina (og vonandi á vináttuna líka).

Þekkir þú einhvern sem er alltaf að útrétta, skutlast og ferðast? Einhvern sem þolir ekki að hanga heima hjá sér? Þá eru lúxusprufurnar í veskið hin fullkomna gjöf. Þær eru passlega stórar í veskið eða vasann og koma sér vel í amstri dagsins. Henta einstaklega vel þeim sem fara í sumarbústaðinn hverja helgi og nenna ekki að vera með mikinn farangur.

Malt og appelsín, Halli og Laddi, hipsterar og dagkrem. Óaðskiljanlegar tvennur. Alvöru hipsterar þurfa gott rakakrem til að halda húðinni í góðu standi, og þar kemur dagkremið sterkt inn. Ímynd hipstera er þeim afar mikilvæg, þess vegna er gott að þeir geti montað sig af því að nota lífrænt rakakrem. Vert er að taka fram að dagkremið er frábært eftir rakstur og hentar því líka miðaldra körlum sem þrá að vera jafn flottir og hipsterarnir.

Eftir vinnuna sem heilbrigðisstarfsmenn hafa lagt á sig undanfarið eiga þeir skilið eitthvað betra en sjö þúsund króna inneign í Skechers. Viltu gjöra svo vel að kaupa veglega gjöf handa viðkomandi og leyfa handáburði að fylgja með svo þeir geti nært hendurnar eftir allan handþvottinn og sótthreinsunina.

Veturinn getur verið erfiður tími með sólarleysi sínu, kulda og myrkri en þar að auki geta þessar aðstæður haft slæm áhrif á húðina. Extra rakagefandi pakkinn er sérstaklega hannaður fyrir þurra húð, sem getur verið fylgifiskur kuldans. Græðandi pakkinn er ennþá öflugri og hentar vel þeim sem eru með exem.

Hversdagshetjurnar leynast víða og oftar en ekki eiga þær erfitt með að viðurkenna að þær séu hetjur. Hetjan tímir ekki að eyða í sjálfa sig því aðrir þarfnast hennar en hún þarf samt á dekri að halda. Gefðu henni líkamspakkann sem inniheldur græðikrem, handáburð og fótakrem. Tilvalinn til að mýkja og dekra við sig frá toppi til táar.

Við þekkjum öll týpuna sem virðist hlaupa á þrjú fjöll að lágmarki í hverri viku og púla í ræktinni þess á milli. Öll þessi útivera getur tekið á húðina.

• Gefðu hlauparanum 24 stunda kremið sem inniheldur náttúrulega sólavörn og verndar gegn skaðlegum umhverfisáhrifum
• Gefðu fjallgöngugarpinum fótakremið svo hann þurfi ekki að hafa áhyggjur af kláða, sprungum og þurrkublettum.
• Gefðu skíðastjörnunni sárasmyrsl svo hún geti varist varaþurrkinum og exeminu sem fylgir gjarnan kuldanum

Hefur Stína frænka verið að kvarta yfir rósroða? Leitaðu ei lengra. Rósroðapakkinn inniheldur 24 stunda krem sem veitir öflugan raka, græðikrem sem hefur kælandi áhrif og bóluhreinsi sem er náttúruleg meðferð gegn bólum.

Á vinkona þín von á barni eða er hún kannski nýbúin að eignast barn? Hefur hún nefnt við þig vandamál sem hún er að glíma við? Meðgöngupakkinn er fyrir meðgöngu, brjóstagjöf og barnið sjálft. Þú gætir verið að bjarga jólunum með þessari gjöf sem inniheldur lúxusprufu af sárasmyrsli og fjórar tegundir af tei.

Nú ætti þungu fargi að vera af þér létt og hausinn fullur af góðum hugmyndum. Þá mæli ég með að þú hlustir á þennan lagalista sem samanstendur af uppáhalds jólalögunum mínum. Hann ætti að koma þér í jólaskapið! Á meðan geturðu lesið aftur yfir bloggið og átt gæðastund.

Vinsamlegast athugið að vörurnar koma hvorki innpakkaðar né í gjafaboxum. Ég hugsaði að það væri betra að taka það fram svo enginn verði spældur.

Anna Rósa er grasalæknir, framkvæmdastjóri, rithöfundur og alþjóðlegur fyrirlesari. Fyrst og fremst er hún þó með ástríðu fyrir öllu því sem hún tekur sér fyrir hendur.