Original price was: 20.170 kr..17.990 kr.Current price is: 17.990 kr..
Glímir þú við rósroða? Þetta pakkatilboð inniheldur 24 stunda krem (sjá í VOGUE), græðikrem og lúxusprufu af bóluhreinsi. Kremin eru kælandi og bólgueyðandi og draga úr rósroða. Bóluhreinsirinn dregur úr bólum og kýlum tengdum rósroða.
Smelltu til að lesa um náttúrulega meðferð við rósroða.
Inniheldur íslenskar jurtir tíndar af Önnu Rósu.
2x 50 ml krem, 20 ml bóluhreinsir
Við mælum með: Berðu bóluhreinsinn á bólur 3-6 sinnum á dag, 24 stunda kremið kvölds og morgna og græðikremið aukalega yfir daginn ef það er mikill hiti og bólga í húðinni.
24 STUNDA KREM
Áhrif:
Húðgerð: Fyrir venjulega, þurra og þroskaða húð.
Notkun: Gengur mjög fljótt inn í húðina og hentar vel undir farða. Berið á hreina húð á andliti, hálsi og bringu á morgnana og/eða kvöldin.
Geymsluþol: 24 stunda kremið er með 2 ára endingartíma og við ábyrgjumst 6 mánaða endingu eftir opnun. Kremið er framleitt oft og í litlu magni til að tryggja ferskleika þess. Geymist við stofuhita.
GRÆÐIKREM
Áhrif:
Húðgerð: Fyrir þurra eða skaddaða húð. Öflug meðferð gegn kláða.
Notkun: Gengur mjög fljótt inn í húðina. Má nota á allan líkamann, þ.m.t. andlit, hársvörð og í kringum augu. Berið ríkulega á viðkomandi svæði þrisvar á dag eða oftar.
Geymsluþol: Græðikremið er með 2 ára endingartíma og við ábyrgjumst 6 mánaða endingu eftir opnun. Kremið er framleitt oft og í litlu magni til að tryggja ferskleika þess. Geymist við stofuhita.
LÚXUSPRUFA AF BÓLUHREINSI
Áhrif:
Húðgerð: Fyrir bólur og fílapensla.
Notkun: Notið bómull eða eyrnapinna til að bera eingöngu á bólur þrisvar til sex sinnum á dag. Hristist fyrir notkun. Athugið að þetta er ekki andlitsvatn til að bera á allt andlitið, heldur bara á bólurnar sjálfar. Má líka nota á bak og önnur bólótt svæði á líkamanum. Þegar dagkremið er notað með bóluhreinsinum er hann fyrst borinn á bólurnar og látinn vera á, síðan er dagkremið borið yfir. Má nota á meðgöngu.
Formúla: 100% náttúrulegar vörur handunnar af Önnu Rósu grasalækni. Íslenskar jurtir og lífræn hráefni í hæsta gæðaflokki. Vegan, án glúteins og ekki prófað á dýrum. Inniheldur EKKI parabena, kemísk ilmefni, parafín, jarðolíur, súlföt, PEGs, TEA, DEA, ftalöt, GMO, sílíkon, skordýraeitur, litarefni eða mögulega krabbameinsvalda.
Geymsluþol: Bóluhreinsirinn er með 5 ára endingartíma og við ábyrgjumst 1 árs endingu eftir opnun. Bóluhreinsirinn er framleiddur oft og í litlu magni til að tryggja ferskleika hans. Geymist við stofuhita.
Nei því miður, það er EKKI hægt að panta í vefverslun og sækja í verslun á Langholtsvegi 109. Í stað þess að panta og sækja í verslun er hægt að koma í verslunina sem er opin fimmtudaga og föstudaga frá 12-16 og kaupa á staðnum.
Já, við erum með opna búð að Langholtsvegi 109 (Drekavogsmegin). Það er opið fimmtudaga og föstudaga frá 12-16.
Við afgreiðum pantanir einu sinni til tvisvar í viku, oftast á mánudögum og fimmtudögum. Hægt er að velja afhendingu í box um land allt eða kvölddreifingu frá kl 17-22 á höfuðborgarsvæðinu og á suðvesturhorninu. SMS er sent um áætlaðan afhendingartíma. Því miður er ekki í boði að sækja vörur sem pantaðar eru í vefverslun í verslun Önnu Rósu á Langholtsvegi 109.
Við bjóðum reglulega upp á afsláttarkóða í fréttabréfinu okkar. Skráðu þig á póstlista og fylgstu vel með!
Já, við erum með lúxusprufur af öllum húðvörum. Lúxusprufur af kremum eru 15 ml og af bóluhreinsi 20 ml. Prufurnar eru í sömu hágæða glerkrukkum/flöskum og húðvörur í fullri stærð. Þetta magn er nóg til þess að prufa í nokkur skipti og sjá hvort varan hentar þinni húð. Lúxusprufur fást eingöngu í vefverslun.
*lífrænt vottað eða tínt af Önnu Rósu
Lúxusprufa af bóluhreinsi
32% styrkleiki af vínanda, vallhumall* (Achillea millefolium), garðablóðberg* (Thymus vulgaris), blóðberg* (Thymus praecox) morgunfrú* (Calendula officinalis).
24 stunda krem
Vatn, ólífuolía (Olea europaea), vallhumall* (Achillea millefolium), kamilla* (Matricaria recutita), morgunfrú* (Calendula officinalis), sheasmjör* (Bytyrospermum parkii), kakósmjör* (Theobroma cacao), cetosteryl alcohol, ethoxylated sorbitan ester, apríkósukjarnaolía* (Prunus armeniaca), E-vítamín (tocopherol), phenoxyethanol, benzyl alcohol, potassium sorbate, rósaolía (Rosa damascena), neroli* (Citrus aurantium).
Græðikrem
Vatn, ólífuolía (Olea europaea), vallhumall* (Achillea millefolium), kamilla* (Matricaria recutita), morgunfrú* (Calendula officinalis), sheasmjör* (Bytyrospermum parkii), kakósmjör* (Theobroma cacao), cetosteryl alcohol, ethoxylated sorbitan ester, kvöldvorrósarolía* (Oenothera biennis), E-vítamín (tocopherol), phenoxyethanol, benzyl alcohol, potassium sorbate, lavender* (Lavendula officinalis), piparmynta* (Mentha piperita).
Anna Rósa tínir sjálf birkið og notar bæði blöð og fremsta hluta ungra sprota. Hún gerir birkiolíu úr fersku birki sama dag og hún tínir það og notar olíuna til að búa til sárasmyrsl.
Birki er einstaklega gott fyrir húðina því það er mjög bólgueyðandi og bakteríudrepandi. Það er hefðbundið að nota birki til að græða sár og það er notað bæði innvortis og útvortis fyrir exem og sóríasis.
Upprunaland: tínt af Önnu Rósu á Íslandi.
Íslenskt birki er í sárasmyrsli.
Anna Rósa tínir sjálf blóðbergið (Thymus praecox) og notar blóm og blöð. Hún býr til tinktúru úr fersku blóðbergi sama dag og hún tínir það og notar hana til að búa til bóluhreinsi.
Blóðberg er vel þekkt fyrir bakteríudrepandi og græðandi áhrif. Anna Rósa hefur í áratugi notað það gegn bólum með mjög góðum árangri.
Upprunaland: tínt af Önnu Rósu á Íslandi.
Íslenskt blóðberg er í bóluhreinsi.
Garðablóðbergið okkar (Thymus vulgaris) er lífrænt vottað en Anna Rósa býr til tinktúru úr garðablóðbergi sem notuð er í bóluhreinsi.
Garðablóðberg er vel þekkt fyrir bakteríudrepandi, bólgueyðandi, andoxandi og græðandi áhrif. Anna Rósa hefur notað það ásamt íslensku blóðbergi gegn bólum í fjöldamörg ár með frábærum árangri. Rannsóknir á garðablóðbergi hafa sýnt fram á áhrif þess gegn bólum.
Upprunaland: Egyptaland.
Lífrænt vottað garðablóðberg er í bóluhreinsi.
Bývaxið okkar (Cera flava) er lífrænt vottað, óbleikt og ekki erfðabreytt (GMO free).
Bývax er rakagefandi frá náttúrunnar hendi, mýkir og dregur úr kláða ásamt því að vera sérstaklega gott fyrir viðkvæma húð. Það hefur frá örófi alda verið notað til að þykkja smyrsl.
Upprunaland: Bandaríkin.
Lífrænt vottað bývax er í sárasmyrsli og er einnig selt eitt og sér.
Ilmkjarnaolían okkar úr eucalyptus (Eucalyptus globulus) er lífrænt vottuð og gufueimuð úr blöðum eucalyptus-trésins.
Eucalyptus-ilmkjarnaolía hefur öflug kláðastillandi, sveppadrepandi og bólgueyðandi áhrif en Anna Rósa notar hana í fótakrem gegn sveppasýkingum. Ilmkjarnaolían hefur einnig kælandi og endurnærandi áhrif á þreytta fætur.
Upprunaland: Ástralía.
Lífrænt vottuð eucalyptus-ilmkjarnaolía er í fótakremi.
E-vítamínolían okkar (blandaðir tocopherols) er unnin úr grænmetisolíum sem ekki hafa verið erfðabreyttar.
E-vítamín er auðugt af bólgueyðandi og andoxandi efnum. Það er náttúrulegt rotvarnarefni og er einnig græðandi og mýkjandi fyrir húðina ásamt því að draga úr bólgum í húðsjúkdómum. E-vítamín er öflugur rakagjafi, sérstaklega fyrir þurra, viðkvæma og þroskaða húð en það er einnig þekkt fyrir að draga úr merkjum öldrunar.
E-vítamín er eina rotvarnarefnið í sárasmyrslinu og að auki er hátt hlutfall af því í 24 stunda kremi og græðikremi.
Upprunaland: Spánn.
E-vítamín er í dagkremi, 24 stunda kremi, græðikremi, handáburði, fótakremi og sárasmyrsli.
Anna Rósa tínir sjálf haugarfa og býr til olíu úr honum sem hún notar í sárasmyrsl. Hún býr til olíuna úr ferskum arfa sama dag og hún tínir hann.
Haugarfi er öflug kláðastillandi, bólgueyðandi og kælandi jurt. Hann er einstaklega græðandi og góður gegn hverskyns kláða, sárum, exemi og sóríasis.
Upprunaland: tínt af Önnu Rósu á Íslandi.
Íslenskur haugarfi er í sárasmyrsli.
Kvöldvorrósarolían okkar (Oenothera biennis) er lífrænt vottuð, 100% hrein og kaldpressuð úr fræjum kvöldvorrósarinnar.
Kvöldvorrósarolía er auðug af nauðsynlegum fitusýrum og inniheldur sérstaklega hátt hlutfall af GLA (gamma-línóleniksýru) og línóleiksýru. Hefðbundið hlutfall af GLA í kvöldvorrósarolíu er 9% en línóleiksýran er í kringum 65-85% sem er með því hæsta sem finnst í náttúrunni.
Kvöldvorrósarolía hefur öflug bólgueyðandi og andoxandi áhrif. Hún viðheldur langvarandi raka og eykur teygjanleika húðarinnar ásamt því að vernda gegn skaðlegum umhverfisáhrifum. Kvöldvorrósarolía er einnig mýkjandi og græðandi og dregur úr bólgum og exemi.
Upprunaland: Kína.
Lífrænt vottuð kvöldvorrósarolía er í græðikremi.
Anna Rósa tínir sjálf mjaðjurt (Filipendula ulmaria) og notar blóm og blöð til að búa til mjaðjurtarolíu sem er í sárasmyrsli. Hún býr til olíu úr ferskri mjaðjurt sama dag og hún tínir hana.
Mjaðjurt hefur öflug bólgueyðandi, bakteríudrepandi og græðandi áhrif. Hún hefur öldum saman verið notuð til að draga úr bólgum, bæði innvortis og útvortis. Mjaðjurt græðir sár og húðútbrot.
Upprunaland: Anna Rósa tínir mjaðjurt á Íslandi.
Íslensk mjaðjurt er í sárasmyrsli.
Anna Rósa tínir morgunfrú (Calendula officinalis) í íslenskum görðum ásamt því að kaupa lífrænt vottaða morgunfrú erlendis frá. Hún býr til te úr morgunfrú til að nota í krem og tinktúru úr henni fyrir bóluhreinsi.
Morgunfrú er öflugur rakagjafi fyrir húðina ásamt því að vera áhrifarík lausn gegn bólum. Hún er vel þekkt fyrir bakteríu-, sveppa- og vírusdrepandi áhrif. Hún er einnig afar bólgueyðandi og er sérstaklega góð gegn bólum og hverskyns bólgum í húð.
Morgunfrú er líka þekkt fyrir að draga úr örum og laga húðina eftir að hún hefur orðið fyrir skaða af einhverjum toga. Rannsóknir á morgunfrú sýna að hún eykur teygjanleika húðarinnar og gefur góðan langvarandi raka.
Upprunaland: Anna Rósa tínir morgunfrú í íslenskum görðum eða kaupir lífrænt vottaða morgunfrú frá Bandaríkjunum.
Lífrænt vottuð morgunfrú eða íslensk morgunfrú eru í bóluhreinsi, 24 stunda kremi, dagkremi, græðikremi, handáburði og fótakremi.
Möndluolían okkar (Prunus dulcis) er lífrænt vottuð og pressuð úr möndlum sem vaxa á möndlutrjám.
Möndluolía er auðug af nauðsynlegum fitusýrum og E- og A-vítamíni. Hún er einstaklega rakagefandi og mýkjandi ásamt því að ganga fljótt inni í húðina. Möndluolían inniheldur andoxandi efni sem draga úr skaðlegum umhverfisáhrifum.
Upprunaland: Bandaríkin.
Lífrænt vottuð möndluolía er í handáburði.
Ilmkjarnaolían okkar úr appelsínublómum (Citrus aurantium) er lífrænt vottuð og gufueimuð úr blómum appelsínutrésins.
Neroli-ilmkjarnaolía er vel þekkt fyrir endurnærandi og róandi áhrif á húðina. Hún hefur löngum verið vinsæl fyrir viðkvæma og þroskaða húð en hún dregur úr fínum línum og merkjum öldrunar. Olían hefur hefðbundið verið notuð til að draga úr örum, sliti og háræðasliti í andliti.
Upprunaland: Frakkland.
Lífrænt vottuð neroli-ilmkjarnaolía er í 24 stunda kremi.
Ólífuolían okkar er unnin úr ávöxtum ólífutrésins á Ítalíu.
Ólífuolía er auðug af nauðsynlegum fitusýrum, aðallega óleiksýru. Óleiksýra hefur fjölbreytt áhrif á heilsu, m.a. öflug bólgueyðandi áhrif. Ólífuolía dregur úr bólgum í húð, t.d. rósroða og exemi. Hún inniheldur einnig hátt hlutfall af andoxunarefnum og vítamínum, þ.m.t. E-vítamín sem er þekkt fyrir að draga úr skaðlegum umhverfisáhrifum á húðina. Ólífuolía er rakagefandi og er sérstaklega góð fyrir þurra húð og sprungur ásamt því að hafa bakteríudrepandi áhrif. Hún viðheldur einnig teygjanleika húðarinnar og dregur úr merkjum öldrunar.
Upprunaland: Ítalía.
Ólífuolía er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr piparmyntu er lífrænt vottuð og gufueimuð úr piparmyntuplöntunni.
Ilmkjarnaolía úr piparmyntu er vel þekkt fyrir bólgueyðandi, bakteríudrepandi og kláðastillandi áhrif. Hún er kælandi og dregur úr kláða í húðsjúkdómum líkt og exemi og sóríasis.
Upprunaland: Marokkó.
Lífrænt vottuð piparmyntuilmkjarnaolía er í græðikremi og fótakremi.
Rósaolían okkar (Rosa damascena) er unnin úr ferskum rósablöðum.
Rósaolía hefur sefandi og endurnærandi áhrif á húð. Hún hentar sérstaklega vel fyrir viðkvæma og þroskaða húð því hún dregur úr fínum línum og merkjum öldrunar. Rósaolía sléttir og styrkir húð og er góð gegn æðasliti, roða og þurrki.
Upprunaland: Marokkó.
Rósaolían er í 24 stunda kremi.
Sheasmjörið (Bytyrosperum parkii) okkar er lífrænt og sanngirnisvottað (fair trade) og unnið úr hnetum Karite-trésins sem vex aðallega í Afríku. Þar hefur fólk öldum saman notað sheasmjör til verndar gegn sól og vindum, enda er það sérlega mýkjandi og rakagefandi.
Sheasmjör er náttúrulega auðugt af A- og E-vítamínum og inniheldur mjög hátt hlutfall af nauðsynlegum fitusýrum sem eru einstaklega öflugir rakagjafar. Fitusýrurnar viðhalda langvarandi raka, auka teygjanleika húðar og draga úr þurrki. Sheasmjör sléttar húð og dregur úr fínum línum og merkjum öldrunar. Það hefur einnig góð áhrif á húðsjúkdóma, bólgur, sár og brunasár. Að auki er náttúruleg sólarvörn í sheasmjöri (SPF-6) og hátt hlutfall af andoxunarefnum sem verja húðina gegn skaðlegum umhverfisáhrifum.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Ghana.
Lífrænt vottað sheasmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr sítrónugrasi (Cymbopogon flexuosus) er lífrænt vottuð og gufueimuð úr sítrónugrasi.
Sítrónugrasilmkjarnaolía hefur þægilegan sítrusilm og er bakteríudrepandi, bólgueyðandi og andoxandi.
Upprunaland: Indland.
Lífrænt vottuð ilmkjarnaolía úr sítrónugrasi er í handáburði.
Kakósmjörið okkar (Theobroma cacao) er lífrænt og sanngirnisvottað (fair trade) og unnið úr ristuðum fræjum kakótrésins. Það lyktar af súkkulaði og Anna Rósa hefur valið að nota hreint kakósmjör sem ekki er búið að fjarlægja lyktina úr. Öll rakakremin innihalda hátt hlutfall af kakósmjöri og því er mild súkkulaðilykt af þeim.
Náttúrulegt og óunnið kakósmjör er auðugt af E-vítamíni og andoxunarefnum. Það eykur teygjanleika húðarinnar og er einstaklega rakagefandi og nærandi. Kakósmjör gengur fljótt inn í húðina og dregur úr sliti, örum og merkjum öldrunar. Það ver húðina gegn þurrki og græðir exem og sóríasis.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Suður-Ameríka, Suðaustur-Asía og Vestur-Afríka.
Lífrænt vottað kakósmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr bergamot (Citrus bergamia) er lífrænt vottuð og kaldpressuð úr bergamot appelsínuberki. Við notum ilmkjarnaolíu úr bergamot sem er án virka efnisins bergapten en það getur valdið ljósofnæmi í húð.
Bergamot ilmkjarnaolían gefur ákaflega þægilegan sítrusilm og er þekkt fyrir bakteríudrepandi og bólgueyðandi áhrif. Hún getur einnig lýst upp dökka húðbletti og dregið úr húðútbrotum.
Upprunaland: Frakkland.
Lífrænt vottuð bergamot ilmkjarnaolía er í handáburði.
Apríkósukjarnaolían okkar (Prunus armeniaca) er lífrænt vottuð og kaldpressuð úr apríkósukjörnum.
Apríkósuolía er auðug af nauðsynlegum fitusýrum og E- og A-vítamíni. Hún er öflugur rakagjafi, nærir og gengur fljótt inn í húðina. Apríkósukjarnaolía er sérstaklega góð fyrir viðkvæma og þroskaða húð. Hún mýkir húðina, eykur teygjanleika hennar og dregur úr merkjum öldrunar. Olían hefur öflug andoxandi áhrif og dregur úr skaðlegum umhverfisáhrifum.
Upprunaland: Kenya.
Lífrænt vottuð apríkósukjarnaolía er í 24 stunda kremi.
Ilmkjarnaolían okkar úr lavender (Lavendula officinalis) er lífrænt vottuð og gufueimuð úr lavenderjurtinni.
Lavenderilmkjarnaolía er vel þekkt fyrir róandi áhrif á húðina. Hún hefur kláðastillandi, bakteríudrepandi og bólgueyðandi áhrif og er notuð til að draga úr kláða, græða sár, bólur, exem og sóríasis.
Upprunaland: Frakkland.
Lífrænt vottuð ilmkjarnaolía úr lavender er í dagkremi, græðikremi og sárasmyrsli.
Tea tree ilmkjarnaolían okkar (Melaleuca alternifolia) er lífrænt vottuð og gufueimuð úr blöðum og sprotum Tea tree trésins.
Tea tree ilmkjarnaolía er mjög vel þekkt fyrir góð áhrif á húðina. Hún er bakteríu-, sveppa- og vírusdrepandi ásamt því að hafa öflug bólgueyðandi áhrif. Anna Rósa notar Tea tree olíu sérstaklega í fótakremið vegna sveppadrepandi eiginleika.
Upprunaland: Ástralía.
Lífrænt vottuð Tea tree ilmkjarnaolía er í fótakremi.
Anna Rósa notar vatn til að búa til jurtate úr vallhumli, kamillu og morgunfrú sem er í öllum rakakremum. Hún notar einnig vatn til að búa til tinktúrur fyrir bóluhreinsi.
Vatn er í dagkremi, 24 stunda kremi, græðikremi, handáburði, fótakremi og bóluhreinsi.
Anna Rósa tínir sjálf vallhumal (Achillea millefolium) og notar fersk blóm og blöð til að búa til vallhumalsolíu sem er í sárasmyrsli. Hún gerir einnig te úr þurrkuðum vallhumli fyrir rakakremin og tinktúru úr ferskum vallhumli fyrir bóluhreinsi.
Vallhumall er einstaklega fjölhæf lækningajurt sem á sér aldagamla sögu í grasalækningum. Hann er bakteríu- og sýkladrepandi ásamt því að vera afar bólgueyðandi en hann er sérstaklega góður til að draga úr bólum og fílapenslum. Vallhumall hefur einnig sterk andoxandi áhrif sem gera hann að einstaklega öflugum rakagjafa fyrir húðina. Hann er samkvæmt hefð notaður til að græða sár og húðkvilla og er einstaklega góður á gömul sár sem gróa seint og illa.
Upprunaland: Anna Rósa tínir vallhumal á Íslandi.
Íslenskur vallhumall er í bóluhreinsi, dagkremi, 24 stunda kremi, græðikremi, handáburði, fótakremi og sárasmyrsli.
Kamillublómin okkar (Matricaria recutita) eru lífrænt vottuð og kamillute er notað til að búa til rakakrem.
Kamilla er einstaklega góð jurt fyrir þurra húð því hún er öflugur rakagjafi ásamt því að róa húðina. Hún er öflug bólgueyðandi jurt og er því sérstaklega góð gegn roða og bólgum í húð.
Kamilla er ekki bara róandi og rakagefandi heldur líka græðandi. Kamilla er einstaklega góð til að draga úr kláða og græða sár, exem, brunasár, bleiuútbrot, sárar geirvörtur og frunsur.
Upprunaland: Króatía.
Lífrænt vottuð kamillublóm eru í 24 stunda kremi, dagkremi, græðikremi, handáburði og fótakremi.
Anonymous (verified owner) –
Virkilega mild og góð krem bæði 24 stunda kremið og græðikremið.
Eg hef prufað að nota bæði kremin og persónulega finnst mér best að nota græði kremið að kvöldi til og 24 stunda kremið að morgni.
24 stunda kremið hentar mér betur undir faðra en græði.
Bæði algjör snilld!
Bóluhreinsirinn er alveg hreint frábær! Ég er með ofboðslega viðkvæma húð og hún fer í rugl ef ég sit eitthvað smávegis rangt á hana, hún hefur á síðustu 2 vikum farið virkilega framm, bólurnar og fílapenslarnir minka og bólurnar sem koma verða ekki jafn stórar og hjaðna miklu hraðar, ein bóla var vanalega í viku til tíu daga en með bóluhreinsinum hjaðnar hún og hverfur næstum því alveg innan 5 daga.
Anonymous (verified owner) –
Mjög góðar vörur
Jóhanna A. (verified owner) –
Þessi lína virkar mjög vel. Dóttir mín er mjög ánægð með linuna og eftir aðeins 3 daga var sjáanlegur munur hvað roðin í húðinni hafði minkað. Mæli með þessari línu.
Sigríður Andrésdóttir (verified owner) –
Elska 24 stunda kremið og græðikremið, hef ekki prófað önnur krem frà þér.😊
Aðalbjörg Dísa Guðjónsdóttir (verified owner) –
Tók mig heila viku að komast úr vinnu til að sækja á pósthúsið vestur í bæ sem er opið frá 10-17 og sækja vöru. Búin að nota í tvo daga og lofa mjög góðu
Kristín Erlendsdóttir (verified owner) –
Er mikið ánægð með pakkann sem ég keypti, ég er með rósroða og hef fengið leiðinlegar bólur á nefið, ég keypti þrennu, bóluvökvann, græðikremið og 24 stunda kremið. Er ég mjög ánægð með þetta og sé mikinn mun á húðinni minni 🤗
Gunnur Vilborg (verified owner) –
Minni pirringur í húðinni eftir nokkurra daga notkun. Frábærar vörur.
Esther (verified owner) –
Góðar vörur sem ég kem til með að kaupassaðu aftur. Mæli með 🙂
Anna (verified owner) –
Besta þríeykið, ekki spurning
Þóra Kristín (verified owner) –
Lítil reynsla en ánægð só far
Ósk Magnúsdóttir (verified owner) –
Ég er ekki í vafa!🙂 Í vetur hef ég verið að kljást við þurk,en ég hef ekki getað fundið rétta kremið,eftir tveggja vikna notkun finn ég mun.
Karen (verified owner) –
Mér finnst eiginlega of snemmt að segja til um hvernig þetta gengur. Bólurnar brjótast út öðru hvoru eða réttara sagt kílin ef þetta heldur svona áfram þá er þetta að virka
Fríða Sigurðardóttir (verified owner) –
þessar vörur virðast virka vel er búin að vera með bóluvandamál í mörg ár og þessi bóluhreinsir virkar vel ( borin á 4-6x á dag) alla vega meðan á meðferð stendur svo er eftir að koma í ljós hver endingin er (hvort þarf að nota daglega) Raka og 24tíma kremin koma vel út.
Er búin að nota vörurnat í ca. 10 daga
Guðrún (verified owner) –
Ég sé mikinn mun á andlitinu eftir ca 10 daga notkun á rósroða pakkanum. Mun klárlega halda áfram að nota þessar vörur og get hiklaust mælt með.
Ég verð í lokin að minnast á umbúðirnar sem kremin koma í, aldeilis vel frá þeim gengið og mjög fallegt.
Anonymous (verified owner) –
Búin að nota þetta í rúma viku og sé gríðarlegan mun. Bólgur horfnar og roðinn að hverfa í kjölfarið. Frábærar vörur
Helena (verified owner) –
Mjög góðar en ég hef ekki enn prófað 24 tíma kremið
Guðrún (verified owner) –
Æðislegar vörur 👌
Anonymous (verified owner) –
Mjög gott rakakrem.
Anonymous (verified owner) –
Vörurnar hafa reynst betur en annað sem hefur verið prófað við rósroða.
Anonymous (verified owner) –
Frábærar húðvörur sem sannarlega róa rósarroða þegar hann er í köstum. Hef ekki fundið áður samtímis ró í húðinni eins og með 24.stunda kreminu og sérstaklega græðikreminu.
Þúsund þakkir.
Kolbrún Gunnarsdóttir (verified owner) –
Keypti nýlega þennan pakka. Vörurnar fara framúrbjörtustu vonum. Kærar þakkir.
Linda (verified owner) –
Góð lykt og ljúft að bera á andlitið. Árangur kemur vonandi fljótlega. Takk fyrir.
Lilja sigurðardóttir Sigurðsrdóttir (verified owner) –
Ég er mjög ánægð með vörurnar hjá þér Rósa þar sem ég er með mikið húðvandamál og búin að prófa fullt af allskonar kremum. Kremin hjá þér passar vél við mig 🤗
Helga P (verified owner) –
Frábærar vörur! Mun héðan í frá nota kremin frá Önnu Rósu.
Linda Hængsdóttir (verified owner) –
vörurnar eru mjög góðar.
Björk Harðardóttir (verified owner) –
Er nýbyrjuð að prófa þennan pakka, finn strax mun eftir 2 vikur. Bólgur og rósroðabólur hafa minnkað mikið og sömuleiðis roði. Er spennt fyrir framhaldinu:)
Anonymous (verified owner) –
Ég er aðeins búin að nota 24stunda kremið – ég er mjög ánægð með virkni vörurnar – lyktin mætti vera betri – en hún finnst aðeins rétt fyrst.
Guðný Hreiðarsdóttir (verified owner) –
Góð krem. Losnaði við húðblæðingar og þurrk í andliti. Er bæði með Rósroða og Haemochromatosis.
Anonymous (verified owner) –
Mjög góðar vörur og henta vel á mína exem og rósroða húð. Eina sem ég hef út á vöruna að setja er lyktin af 24 stunda kreminu, mér finnst hún ekki góð en hún er fljót að dofna þegar hún er komin á húðina.
Inga Lára Sigurðardóttir (verified owner) –
Frábærar vörur, komu á óvart.
Margrét Beck (verified owner) –
Love it
Anonymous (verified owner) –
Er búin að nota andlitskremin núna í mánuð og sé strax mun á húðinni minni.
Sigríður Tómasdóttir (verified owner) –
Frábær vara sem ég er enn að prófa en mér finnst að hún virki vel
Sigrún (verified owner) –
Kremin bæði eru einstaklega mild og rakagefandi. Er að uppgötva bóluhreinsinn í fyrsta skipti, hann lofar góðu.