Enginn sendingarkostnaður ef keypt er fyrir 15.000 kr eða meira! Loka
Skip to content
8.990 kr.
Ertu að leita að hinu fullkomna rakakremi? Dagkremið (sjá í VOGUE) jafnar húðina og gefur henni fallegan ljóma. Mjög rakagefandi. Hentar sérstaklega vel á bólur og blandaða húð. Fullkomið undir farða!
Dagkremið er í pakkatilboðinu – bólur og pakkatilboðinu – rakagefandi.
Inniheldur íslenskar jurtir tíndar af Önnu Rósu.
50 ml
Notkun: Berðu á hreina húð á andliti, hálsi og bringu á morgnana og/eða kvöldin. Gengur mjög fljótt inn í húðina og hentar vel undir farða.
Áhrif:
Húðgerð: Fyrir venjulega, viðkvæma, feita og blandaða húð.
Formúla: 100% náttúrulegar vörur handunnar af Önnu Rósu grasalækni. Íslenskar jurtir og lífræn hráefni í hæsta gæðaflokki. Vegan, án glúteins og ekki prófað á dýrum. Inniheldur EKKI parabena, kemísk ilmefni, parafín, jarðolíur, súlföt, PEGs, TEA, DEA, ftalöt, GMO, sílíkon, skordýraeitur, litarefni eða mögulega krabbameinsvalda.
Geymsluþol: Dagkremið er með 2 ára endingartíma og við ábyrgjumst 6 mánaða endingu eftir opnun. Kremið er framleitt oft og í litlu magni til að tryggja ferskleika þess. Geymist við stofuhita.
Ég hef viðkvæma andlitshúð og er gjörn á þurrkubletti. Dagkremið reyndist mjög vel á þurrkublettina og gekk hratt inn í húðina. Ég er mjög ánægð með það enda húðin mjúk og góð eftir notkun.
Ellen María BergsveinsdóttirÍ mörg ár hef ég árangurslítið leitað logandi ljósi að kremi sem hentar mér. Eftir að ég fór að nota dagkremið frá Önnu Rósu vil ég ekki nota neitt annað. Kremið gengur vel inn í húðina, hefur græðandi áhrif og dregur úr ertingu í húð. Húðin verður silkimjúk og kremið er frábært undir meik.
Ingunn K. SigurðardóttirMér finnst dagkremið mjög frískandi fyrir andlitið og gefa góðan raka því ég er stundum með þurra húð.
Hlíf Sverrisdóttir
Anna Rósa tínir sjálf birkið og notar bæði blöð og fremsta hluta ungra sprota. Hún gerir birkiolíu úr fersku birki sama dag og hún tínir það og notar olíuna til að búa til sárasmyrsl.
Birki er einstaklega gott fyrir húðina því það er mjög bólgueyðandi og bakteríudrepandi. Það er hefðbundið að nota birki til að græða sár og það er notað bæði innvortis og útvortis fyrir exem og sóríasis.
Upprunaland: tínt af Önnu Rósu á Íslandi.
Íslenskt birki er í sárasmyrsli.
Anna Rósa tínir sjálf blóðbergið (Thymus praecox) og notar blóm og blöð. Hún býr til tinktúru úr fersku blóðbergi sama dag og hún tínir það og notar hana til að búa til bóluhreinsi.
Blóðberg er vel þekkt fyrir bakteríudrepandi og græðandi áhrif. Anna Rósa hefur í áratugi notað það gegn bólum með mjög góðum árangri.
Upprunaland: tínt af Önnu Rósu á Íslandi.
Íslenskt blóðberg er í bóluhreinsi.
Garðablóðbergið okkar (Thymus vulgaris) er lífrænt vottað en Anna Rósa býr til tinktúru úr garðablóðbergi sem notuð er í bóluhreinsi.
Garðablóðberg er vel þekkt fyrir bakteríudrepandi, bólgueyðandi, andoxandi og græðandi áhrif. Anna Rósa hefur notað það ásamt íslensku blóðbergi gegn bólum í fjöldamörg ár með frábærum árangri. Rannsóknir á garðablóðbergi hafa sýnt fram á áhrif þess gegn bólum.
Upprunaland: Egyptaland.
Lífrænt vottað garðablóðberg er í bóluhreinsi.
Bývaxið okkar (Cera flava) er lífrænt vottað, óbleikt og ekki erfðabreytt (GMO free).
Bývax er rakagefandi frá náttúrunnar hendi, mýkir og dregur úr kláða ásamt því að vera sérstaklega gott fyrir viðkvæma húð. Það hefur frá örófi alda verið notað til að þykkja smyrsl.
Upprunaland: Bandaríkin.
Lífrænt vottað bývax er í sárasmyrsli og er einnig selt eitt og sér.
Ilmkjarnaolían okkar úr eucalyptus (Eucalyptus globulus) er lífrænt vottuð og gufueimuð úr blöðum eucalyptus-trésins.
Eucalyptus-ilmkjarnaolía hefur öflug kláðastillandi, sveppadrepandi og bólgueyðandi áhrif en Anna Rósa notar hana í fótakrem gegn sveppasýkingum. Ilmkjarnaolían hefur einnig kælandi og endurnærandi áhrif á þreytta fætur.
Upprunaland: Ástralía.
Lífrænt vottuð eucalyptus-ilmkjarnaolía er í fótakremi.
E-vítamínolían okkar (blandaðir tocopherols) er unnin úr grænmetisolíum sem ekki hafa verið erfðabreyttar.
E-vítamín er auðugt af bólgueyðandi og andoxandi efnum. Það er náttúrulegt rotvarnarefni og er einnig græðandi og mýkjandi fyrir húðina ásamt því að draga úr bólgum í húðsjúkdómum. E-vítamín er öflugur rakagjafi, sérstaklega fyrir þurra, viðkvæma og þroskaða húð en það er einnig þekkt fyrir að draga úr merkjum öldrunar.
E-vítamín er eina rotvarnarefnið í sárasmyrslinu og að auki er hátt hlutfall af því í 24 stunda kremi og græðikremi.
Upprunaland: Spánn.
E-vítamín er í dagkremi, 24 stunda kremi, græðikremi, handáburði, fótakremi og sárasmyrsli.
Anna Rósa tínir sjálf haugarfa og býr til olíu úr honum sem hún notar í sárasmyrsl. Hún býr til olíuna úr ferskum arfa sama dag og hún tínir hann.
Haugarfi er öflug kláðastillandi, bólgueyðandi og kælandi jurt. Hann er einstaklega græðandi og góður gegn hverskyns kláða, sárum, exemi og sóríasis.
Upprunaland: tínt af Önnu Rósu á Íslandi.
Íslenskur haugarfi er í sárasmyrsli.
Kvöldvorrósarolían okkar (Oenothera biennis) er lífrænt vottuð, 100% hrein og kaldpressuð úr fræjum kvöldvorrósarinnar.
Kvöldvorrósarolía er auðug af nauðsynlegum fitusýrum og inniheldur sérstaklega hátt hlutfall af GLA (gamma-línóleniksýru) og línóleiksýru. Hefðbundið hlutfall af GLA í kvöldvorrósarolíu er 9% en línóleiksýran er í kringum 65-85% sem er með því hæsta sem finnst í náttúrunni.
Kvöldvorrósarolía hefur öflug bólgueyðandi og andoxandi áhrif. Hún viðheldur langvarandi raka og eykur teygjanleika húðarinnar ásamt því að vernda gegn skaðlegum umhverfisáhrifum. Kvöldvorrósarolía er einnig mýkjandi og græðandi og dregur úr bólgum og exemi.
Upprunaland: Kína.
Lífrænt vottuð kvöldvorrósarolía er í græðikremi.
Anna Rósa tínir sjálf mjaðjurt (Filipendula ulmaria) og notar blóm og blöð til að búa til mjaðjurtarolíu sem er í sárasmyrsli. Hún býr til olíu úr ferskri mjaðjurt sama dag og hún tínir hana.
Mjaðjurt hefur öflug bólgueyðandi, bakteríudrepandi og græðandi áhrif. Hún hefur öldum saman verið notuð til að draga úr bólgum, bæði innvortis og útvortis. Mjaðjurt græðir sár og húðútbrot.
Upprunaland: Anna Rósa tínir mjaðjurt á Íslandi.
Íslensk mjaðjurt er í sárasmyrsli.
Anna Rósa tínir morgunfrú (Calendula officinalis) í íslenskum görðum ásamt því að kaupa lífrænt vottaða morgunfrú erlendis frá. Hún býr til te úr morgunfrú til að nota í krem og tinktúru úr henni fyrir bóluhreinsi.
Morgunfrú er öflugur rakagjafi fyrir húðina ásamt því að vera áhrifarík lausn gegn bólum. Hún er vel þekkt fyrir bakteríu-, sveppa- og vírusdrepandi áhrif. Hún er einnig afar bólgueyðandi og er sérstaklega góð gegn bólum og hverskyns bólgum í húð.
Morgunfrú er líka þekkt fyrir að draga úr örum og laga húðina eftir að hún hefur orðið fyrir skaða af einhverjum toga. Rannsóknir á morgunfrú sýna að hún eykur teygjanleika húðarinnar og gefur góðan langvarandi raka.
Upprunaland: Anna Rósa tínir morgunfrú í íslenskum görðum eða kaupir lífrænt vottaða morgunfrú frá Bandaríkjunum.
Lífrænt vottuð morgunfrú eða íslensk morgunfrú eru í bóluhreinsi, 24 stunda kremi, dagkremi, græðikremi, handáburði og fótakremi.
Möndluolían okkar (Prunus dulcis) er lífrænt vottuð og pressuð úr möndlum sem vaxa á möndlutrjám.
Möndluolía er auðug af nauðsynlegum fitusýrum og E- og A-vítamíni. Hún er einstaklega rakagefandi og mýkjandi ásamt því að ganga fljótt inni í húðina. Möndluolían inniheldur andoxandi efni sem draga úr skaðlegum umhverfisáhrifum.
Upprunaland: Bandaríkin.
Lífrænt vottuð möndluolía er í handáburði.
Ilmkjarnaolían okkar úr appelsínublómum (Citrus aurantium) er lífrænt vottuð og gufueimuð úr blómum appelsínutrésins.
Neroli-ilmkjarnaolía er vel þekkt fyrir endurnærandi og róandi áhrif á húðina. Hún hefur löngum verið vinsæl fyrir viðkvæma og þroskaða húð en hún dregur úr fínum línum og merkjum öldrunar. Olían hefur hefðbundið verið notuð til að draga úr örum, sliti og háræðasliti í andliti.
Upprunaland: Frakkland.
Lífrænt vottuð neroli-ilmkjarnaolía er í 24 stunda kremi.
Ólífuolían okkar er unnin úr ávöxtum ólífutrésins á Ítalíu.
Ólífuolía er auðug af nauðsynlegum fitusýrum, aðallega óleiksýru. Óleiksýra hefur fjölbreytt áhrif á heilsu, m.a. öflug bólgueyðandi áhrif. Ólífuolía dregur úr bólgum í húð, t.d. rósroða og exemi. Hún inniheldur einnig hátt hlutfall af andoxunarefnum og vítamínum, þ.m.t. E-vítamín sem er þekkt fyrir að draga úr skaðlegum umhverfisáhrifum á húðina. Ólífuolía er rakagefandi og er sérstaklega góð fyrir þurra húð og sprungur ásamt því að hafa bakteríudrepandi áhrif. Hún viðheldur einnig teygjanleika húðarinnar og dregur úr merkjum öldrunar.
Upprunaland: Ítalía.
Ólífuolía er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr piparmyntu er lífrænt vottuð og gufueimuð úr piparmyntuplöntunni.
Ilmkjarnaolía úr piparmyntu er vel þekkt fyrir bólgueyðandi, bakteríudrepandi og kláðastillandi áhrif. Hún er kælandi og dregur úr kláða í húðsjúkdómum líkt og exemi og sóríasis.
Upprunaland: Marokkó.
Lífrænt vottuð piparmyntuilmkjarnaolía er í græðikremi og fótakremi.
Rósaolían okkar (Rosa damascena) er unnin úr ferskum rósablöðum.
Rósaolía hefur sefandi og endurnærandi áhrif á húð. Hún hentar sérstaklega vel fyrir viðkvæma og þroskaða húð því hún dregur úr fínum línum og merkjum öldrunar. Rósaolía sléttir og styrkir húð og er góð gegn æðasliti, roða og þurrki.
Upprunaland: Marokkó.
Rósaolían er í 24 stunda kremi.
Sheasmjörið (Bytyrosperum parkii) okkar er lífrænt og sanngirnisvottað (fair trade) og unnið úr hnetum Karite-trésins sem vex aðallega í Afríku. Þar hefur fólk öldum saman notað sheasmjör til verndar gegn sól og vindum, enda er það sérlega mýkjandi og rakagefandi.
Sheasmjör er náttúrulega auðugt af A- og E-vítamínum og inniheldur mjög hátt hlutfall af nauðsynlegum fitusýrum sem eru einstaklega öflugir rakagjafar. Fitusýrurnar viðhalda langvarandi raka, auka teygjanleika húðar og draga úr þurrki. Sheasmjör sléttar húð og dregur úr fínum línum og merkjum öldrunar. Það hefur einnig góð áhrif á húðsjúkdóma, bólgur, sár og brunasár. Að auki er náttúruleg sólarvörn í sheasmjöri (SPF-6) og hátt hlutfall af andoxunarefnum sem verja húðina gegn skaðlegum umhverfisáhrifum.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Ghana.
Lífrænt vottað sheasmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr sítrónugrasi (Cymbopogon flexuosus) er lífrænt vottuð og gufueimuð úr sítrónugrasi.
Sítrónugrasilmkjarnaolía hefur þægilegan sítrusilm og er bakteríudrepandi, bólgueyðandi og andoxandi.
Upprunaland: Indland.
Lífrænt vottuð ilmkjarnaolía úr sítrónugrasi er í handáburði.
Kakósmjörið okkar (Theobroma cacao) er lífrænt og sanngirnisvottað (fair trade) og unnið úr ristuðum fræjum kakótrésins. Það lyktar af súkkulaði og Anna Rósa hefur valið að nota hreint kakósmjör sem ekki er búið að fjarlægja lyktina úr. Öll rakakremin innihalda hátt hlutfall af kakósmjöri og því er mild súkkulaðilykt af þeim.
Náttúrulegt og óunnið kakósmjör er auðugt af E-vítamíni og andoxunarefnum. Það eykur teygjanleika húðarinnar og er einstaklega rakagefandi og nærandi. Kakósmjör gengur fljótt inn í húðina og dregur úr sliti, örum og merkjum öldrunar. Það ver húðina gegn þurrki og græðir exem og sóríasis.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Suður-Ameríka, Suðaustur-Asía og Vestur-Afríka.
Lífrænt vottað kakósmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr bergamot (Citrus bergamia) er lífrænt vottuð og kaldpressuð úr bergamot appelsínuberki. Við notum ilmkjarnaolíu úr bergamot sem er án virka efnisins bergapten en það getur valdið ljósofnæmi í húð.
Bergamot ilmkjarnaolían gefur ákaflega þægilegan sítrusilm og er þekkt fyrir bakteríudrepandi og bólgueyðandi áhrif. Hún getur einnig lýst upp dökka húðbletti og dregið úr húðútbrotum.
Upprunaland: Frakkland.
Lífrænt vottuð bergamot ilmkjarnaolía er í handáburði.
Apríkósukjarnaolían okkar (Prunus armeniaca) er lífrænt vottuð og kaldpressuð úr apríkósukjörnum.
Apríkósuolía er auðug af nauðsynlegum fitusýrum og E- og A-vítamíni. Hún er öflugur rakagjafi, nærir og gengur fljótt inn í húðina. Apríkósukjarnaolía er sérstaklega góð fyrir viðkvæma og þroskaða húð. Hún mýkir húðina, eykur teygjanleika hennar og dregur úr merkjum öldrunar. Olían hefur öflug andoxandi áhrif og dregur úr skaðlegum umhverfisáhrifum.
Upprunaland: Kenya.
Lífrænt vottuð apríkósukjarnaolía er í 24 stunda kremi.
Ilmkjarnaolían okkar úr lavender (Lavendula officinalis) er lífrænt vottuð og gufueimuð úr lavenderjurtinni.
Lavenderilmkjarnaolía er vel þekkt fyrir róandi áhrif á húðina. Hún hefur kláðastillandi, bakteríudrepandi og bólgueyðandi áhrif og er notuð til að draga úr kláða, græða sár, bólur, exem og sóríasis.
Upprunaland: Frakkland.
Lífrænt vottuð ilmkjarnaolía úr lavender er í dagkremi, græðikremi og sárasmyrsli.
Tea tree ilmkjarnaolían okkar (Melaleuca alternifolia) er lífrænt vottuð og gufueimuð úr blöðum og sprotum Tea tree trésins.
Tea tree ilmkjarnaolía er mjög vel þekkt fyrir góð áhrif á húðina. Hún er bakteríu-, sveppa- og vírusdrepandi ásamt því að hafa öflug bólgueyðandi áhrif. Anna Rósa notar Tea tree olíu sérstaklega í fótakremið vegna sveppadrepandi eiginleika.
Upprunaland: Ástralía.
Lífrænt vottuð Tea tree ilmkjarnaolía er í fótakremi.
Anna Rósa notar vatn til að búa til jurtate úr vallhumli, kamillu og morgunfrú sem er í öllum rakakremum. Hún notar einnig vatn til að búa til tinktúrur fyrir bóluhreinsi.
Vatn er í dagkremi, 24 stunda kremi, græðikremi, handáburði, fótakremi og bóluhreinsi.
Anna Rósa tínir sjálf vallhumal (Achillea millefolium) og notar fersk blóm og blöð til að búa til vallhumalsolíu sem er í sárasmyrsli. Hún gerir einnig te úr þurrkuðum vallhumli fyrir rakakremin og tinktúru úr ferskum vallhumli fyrir bóluhreinsi.
Vallhumall er einstaklega fjölhæf lækningajurt sem á sér aldagamla sögu í grasalækningum. Hann er bakteríu- og sýkladrepandi ásamt því að vera afar bólgueyðandi en hann er sérstaklega góður til að draga úr bólum og fílapenslum. Vallhumall hefur einnig sterk andoxandi áhrif sem gera hann að einstaklega öflugum rakagjafa fyrir húðina. Hann er samkvæmt hefð notaður til að græða sár og húðkvilla og er einstaklega góður á gömul sár sem gróa seint og illa.
Upprunaland: Anna Rósa tínir vallhumal á Íslandi.
Íslenskur vallhumall er í bóluhreinsi, dagkremi, 24 stunda kremi, græðikremi, handáburði, fótakremi og sárasmyrsli.
Kamillublómin okkar (Matricaria recutita) eru lífrænt vottuð og kamillute er notað til að búa til rakakrem.
Kamilla er einstaklega góð jurt fyrir þurra húð því hún er öflugur rakagjafi ásamt því að róa húðina. Hún er öflug bólgueyðandi jurt og er því sérstaklega góð gegn roða og bólgum í húð.
Kamilla er ekki bara róandi og rakagefandi heldur líka græðandi. Kamilla er einstaklega góð til að draga úr kláða og græða sár, exem, brunasár, bleiuútbrot, sárar geirvörtur og frunsur.
Upprunaland: Króatía.
Lífrænt vottuð kamillublóm eru í 24 stunda kremi, dagkremi, græðikremi, handáburði og fótakremi.
Ásdís Guðný –
Eina kremið sem ég nota! Elska þegar ég finn krem sem ég skil allar innihaldslýsingarnar og ekki skemmir að kremið sé VEGAN! 5/5
Jónína Þórdís –
Mjög gott dagkrem sem hentar fyrir þurra, viðkvæma og venjulega húð. Sjálf er ég með frekar góða húð en finnst mjög gott að setja það undir farða. Kremið gefur góðan raka og það er yndislegur náttúrulegur ylmur af því!
Bryndis Lif –
Einstaklega vandað krem! Virkar ótrúlega vel undir farða, kom á óvart!
Ellen Helena –
Frábært krem fyrir þurra húð. Virkar vel á þurrkubletti og er gott undir farða.
Gísli már Guðmundsson –
Ég vinn mikið í ryki þannig að húðin mín á til að verða þurr. Það er alveg úr sögunni eftir að ég kynntist dagkreminu frá Önnu.
Álfgeir Alejandro Önnuson –
Byrjaði að nota þetta krem töluvert eftir að það kom á markað þar sem ég var ekki mikið fyrir það að nota krem yfirhöfuð, get svo sannarlega sagt að ég hefði átt að byrja fyrr að nota þessa gersemi. Ég nota dagkremið alltaf á morgnanna og fyrir svefn og þegar ég raka mig, lífgar upp á húðina og gerir hana silkimjúka. Mæli eindreigið með fyrir hvern sem er!
Guðrún Dís Emilsdóttir –
Ég notaði græðikremið hennar Önnu Rósu á augnlokin mín þar sem að ég er með exem og má ekki nota sterakrem frá læknum á andlitið, ég sá strax árangur eftir 1 viku og eftir nokkrar vikur var ég alveg laus við kláða og húðin var alveg hætt að flagna af augnlokunum. Ég nota einnig dagkremið hennar Önnu Rósu vegna þess að ég fæ oft þurrkubletti á andlitið og ef ég er dugleg að bera dagkremið á þá verð ég mjúk og fín eftir nokkra daga. Einnig finnst mér mjög gott að nota dagkremið eftir sturtu og áður en ég mála mig.
Sóldís Fannberg –
Ég mæli hiklaust með bóluhreinsinum og eftir að ég fór að nota dagkremið líka bjargaði það gjörsamlega húðinni. Bóluhreinsir og dagkrem frá Önnu Rósu er besta combóið til að vera með góða húð, ég hef aldrei verið svona góð eins og núna!
Guðrún Svanborg Hauksdóttir (verified owner) –
Jónína Þórdís –
Ég hef notað vörurnar frá Önnu Rósu frá árinu 2017 og það er ekki af ástæðulausu afhverju ég nota þær ennþá í dag, 2 árum síðar. Mér finnst öll kremin frábær, bæði rakagefandi og halda húðinni mjúkri. Á hverju kvöldi þegar ég þríf á mér andlitið þá nota ég andlitskremið frá Önnu Rósu og svo nota ég bóluhreinsinn hennar á allar bólur, stórar sem smáar og á fílapensla. Þannig tekst mér að halda húðinni hreinni, fallegri og mjúkri!
Anonymous (verified owner) –
Hentar vel með bóluhreinsinum
Svanfríður. Guðmundsdóttir (verified owner) –
Gefur húðinni góðan raka.
Oddný Jóhannsdóttir (verified owner) –
Gæðavara, gef mér aukinn tíma til að bera á mig
Bára Hjaltadóttir –
Frábært krem fyrir mína þroskuðu húð. Nota sitt á hvað með 24 stunda kreminu.
Helga Björk Hardardóttir –
Kremin gefa góðan raka, ánægð með þau.
Guðrún Magnúsdóttir –
Frábært dagkrem, búin að nota það í mjög mörg ár!
magnús einarsson (verified owner) –
mjög góðar vörur
Anonymous (verified owner) –
elska þetta krem! Hjálpar húðinni svo mikið
Guðrún Svanborg Hauksdóttir (verified owner) –
Frábært krem eins og endranær.
Eva (verified owner) –
Frábært krem!
Guðrún S. (verified owner) –
Andlitskremin eru mjög góð fyrir mig
Hulda (verified owner) –
Dagkremið virkar mjög vel fyrir mína húð,takk fyrir gott krem <3
Fanney Ólöf (verified owner) –
Gott andlitskrem sem fer strax inn í húðina
Hulda (verified owner) –
Verð að eiga þetta krem fyrir andlitið,þægilegt og gefur ljóma <3
Hulda (verified owner) –
Þetta dagkrem virkar mjög vel fyrir mig ofnæmisgemlinginn. Finn bara vellíðan í húðinni. Takk Anna Rósa <3
Hulda (verified owner) –
Yndislegt krem fyrir mína húð <3
Manuela Santos (verified owner) –
Could be more mosturizing.
Fanney Ólöf Lárusdóttir (verified owner) –
Besta dagkremið
Sara (verified owner) –
Mjög góð vara
Hulda (verified owner) –
Besta dagkrem sem ég hef notað. Engin erting,gefur góðan ljóma og vellíðan <3
Guðbjörg Guðmundsdóttir (verified owner) –
Þetta krem nota ég minna en 24 stunda kremið, en finnst það samt mjög gott.
Sigurlaug (verified owner) –
Dóttir mín notar þetta krem sem hefur hjálpað henni mikið í að halda húðþrymlum í lágmarki.
Sara (verified owner) –
Sonur minn notar þetta krem og er mjög ánægður með það og árangurinn af því.
Hulda (verified owner) –
Mjög gott dagkrem !
Fanney Ólöf (verified owner) –
Mjög gott andlitskrem.
Kolbrún Roe (verified owner) –
Sama með þetta krem og 24 stunda kremið. Yndislega góð krem og hef ekki notað annað síðan