Ljúffeng túrmerikmjólk

Þessi túrmerikmjólk er í algjöru uppáhaldi hjá mér því hún er bæði afar holl og ljúffeng, enda mæli ég oft með því að sjúklingar hjá mér í ráðgjöf bæti henni inn í matarræðið hjá sér. Fyrst er búið til mauk úr túrmeriki sem síðan er notað til að búa til túrmerikmjólkina eftir þörfum.

Túrmerikmauk

40 gr lífrænt túrmerikduft

2 dl vatn

1 tsk svartur pipar mulinn

1 tsk kanill

½ tsk engifer

Blandið kryddi og vatni saman í skaftpott án loks. Látið suðu koma upp og sjóðið á vægum hita þar til er orðið að þykku mauki. Kælt og sett í glerkrukku og geymt í ísskáp. Geymist í 4-8 vikur í ísskáp.

Túrmerikmjólk

1-2 tsk túrmerikmauk

1 tsk ólífuolía eða önnur góð lífræn olía

2 dl haframjólk eða hrísmjólk

½ tsk hunang ef vill eða stevia

Allt sett í blandara og blandað þar til froðukennt. Sætt með hunangi ef vill. Drekkið 1-3 glös á dag.