4.990 kr.
Þessi tinktúra er í pakkatilboðinu – bólgur og verkir.
200 ml Inniheldur íslenskar jurtir tíndar af Önnu Rósu.
Þessi tinktúra er bólgueyðandi og verkjastillandi og hefur reynst afar vel gegn vefjagigt, liða- og slitgigt, vöðvabólgu og álagsmeiðslum. Túrmerik og engifer er einnig hvort tveggja þekkt fyrir að lækka blóðþrýsting, blóðsykur og blóðfitu.
Notkun: 1 tappi þrisvar á dag fyrir eða eftir mat. Blandist í vatn, safa eða jurtate. Hristist fyrir notkun. Mælt er með samfelldri notkun í a.m.k. einn til þrjá mánuði ef um langvarandi veikindi er að ræða.
Formúla: 100% náttúrulegar vörur handunnar af Önnu Rósu grasalækni. Íslenskar jurtir og lífræn hráefni í hæsta gæðaflokki. Vegan, án glúteins og ekki prófað á dýrum. Inniheldur EKKI parabena, kemísk ilmefni, parafín, jarðolíur, súlföt, PEGs, TEA, DEA, ftalöt, GMO, sílíkon, skordýraeitur, litarefni eða mögulega krabbameinsvalda.
Geymsluþol: Tinktúran er með 5 ára endingartíma og við ábyrgjumst 1 árs endingu eftir opnun. Tinktúran er framleidd oft og í litlu magni til að tryggja ferskleika hennar. Geymist við stofuhita.
Varúð: Geymist þar sem börn ná ekki til. Ekki ráðlagt fyrir þungaðar konur, konur með börn á brjósti, fólk með áfengisvandamál, fólk undir 20 ára aldri eða ef grunur leikur á jurtaofnæmi. Fæðubótarefni koma ekki í stað lyfja né fjölbreyttrar fæðu.
| Tinktúrur eru aldagömul vinnsluaðferð grasalækna þar sem virk efni úr lækningajurtum eru leyst upp í vínanda. Anna Rósa tínir sjálf allar íslensku lækningajurtirnar á ómenguðum svæðum, en tinktúrurnar eru að langmestu leyti úr ferskum jurtum. Erlendar lækningajurtir eru undantekningarlaust lífrænt vottaðar. |
Enginn sendingarkostnaður er þegar keypt er fyrir 12.000 kr eða meira (sent á pósthús).
Sendingargjald er 990 kr þegar sent er á pósthús.
Sendingargjald er 1.290 kr þegar sent er heim.
Því miður er ekki hægt að sækja pantanir til Önnu Rósu, allar pantanir eru undantekningarlaust sendar með Póstinum.
*lífrænt vottað eða tínt af Önnu Rósu
| 38% styrkleiki af vínanda, túrmerik* (Curcuma longa), víðir* (Salix spp.), mjaðjurt* (Filipendula ulmaria), brenninetla* (Urtica dioica), engifer* (Zingiber officinale), gentian* (gentiana lutea), svartur pipar* (Piper nigrum). |
Anna Rósa tínir sjálf blóðbergið (Thymus praecox) og notar blóm og blöð. Hún býr til tinktúru úr fersku blóðbergi sama dag og hún tínir það og notar hana til að búa til bóluhreinsi.
Blóðberg er vel þekkt fyrir bakteríudrepandi og græðandi áhrif. Anna Rósa hefur í áratugi notað það gegn bólum með mjög góðum árangri.
Upprunaland: tínt af Önnu Rósu á Íslandi.
Íslenskt blóðberg er í bóluhreinsi.
Garðablóðbergið okkar (Thymus vulgaris) er lífrænt vottað en Anna Rósa býr til tinktúru úr garðablóðbergi sem notuð er í bóluhreinsi.
Garðablóðberg er vel þekkt fyrir bakteríudrepandi, bólgueyðandi, andoxandi og græðandi áhrif. Anna Rósa hefur notað það ásamt íslensku blóðbergi gegn bólum í fjöldamörg ár með frábærum árangri. Rannsóknir á garðablóðbergi hafa sýnt fram á áhrif þess gegn bólum.
Upprunaland: Egyptaland.
Lífrænt vottað garðablóðberg er í bóluhreinsi.
Anna Rósa tínir sjálf birkið og notar bæði blöð og fremsta hluta ungra sprota. Hún gerir birkiolíu úr fersku birki sama dag og hún tínir það og notar olíuna til að búa til sárasmyrsl.
Birki er einstaklega gott fyrir húðina því það er mjög bólgueyðandi og bakteríudrepandi. Það er hefðbundið að nota birki til að græða sár og það er notað bæði innvortis og útvortis fyrir exem og sóríasis.
Upprunaland: tínt af Önnu Rósu á Íslandi.
Íslenskt birki er í sárasmyrsli.
Bývaxið okkar (Cera flava) er lífrænt vottað, óbleikt og ekki erfðabreytt (GMO free).
Bývax er rakagefandi frá náttúrunnar hendi, mýkir og dregur úr kláða ásamt því að vera sérstaklega gott fyrir viðkvæma húð. Það hefur frá örófi alda verið notað til að þykkja smyrsl.
Upprunaland: Bandaríkin.
Lífrænt vottað bývax er í sárasmyrsli og er einnig selt eitt og sér.
Ilmkjarnaolían okkar úr eucalyptus (Eucalyptus globulus) er lífrænt vottuð og gufueimuð úr blöðum eucalyptus-trésins.
Eucalyptus-ilmkjarnaolía hefur öflug kláðastillandi, sveppadrepandi og bólgueyðandi áhrif en Anna Rósa notar hana í fótakrem gegn sveppasýkingum. Ilmkjarnaolían hefur einnig kælandi og endurnærandi áhrif á þreytta fætur.
Upprunaland: Ástralía.
Lífrænt vottuð eucalyptus-ilmkjarnaolía er í fótakremi.
E-vítamínolían okkar (blandaðir tocopherols) er unnin úr grænmetisolíum sem ekki hafa verið erfðabreyttar.
E-vítamín er auðugt af bólgueyðandi og andoxandi efnum. Það er náttúrulegt rotvarnarefni og er einnig græðandi og mýkjandi fyrir húðina ásamt því að draga úr bólgum í húðsjúkdómum. E-vítamín er öflugur rakagjafi, sérstaklega fyrir þurra, viðkvæma og þroskaða húð en það er einnig þekkt fyrir að draga úr merkjum öldrunar.
E-vítamín er eina rotvarnarefnið í sárasmyrslinu og að auki er hátt hlutfall af því í 24 stunda kremi og græðikremi.
Upprunaland: Spánn.
E-vítamín er í dagkremi, 24 stunda kremi, græðikremi, handáburði, fótakremi og sárasmyrsli.
Anna Rósa tínir sjálf haugarfa og býr til olíu úr honum sem hún notar í sárasmyrsl. Hún býr til olíuna úr ferskum arfa sama dag og hún tínir hann.
Haugarfi er öflug kláðastillandi, bólgueyðandi og kælandi jurt. Hann er einstaklega græðandi og góður gegn hverskyns kláða, sárum, exemi og sóríasis.
Upprunaland: tínt af Önnu Rósu á Íslandi.
Íslenskur haugarfi er í sárasmyrsli.
Kvöldvorrósarolían okkar (Oenothera biennis) er lífrænt vottuð, 100% hrein og kaldpressuð úr fræjum kvöldvorrósarinnar.
Kvöldvorrósarolía er auðug af nauðsynlegum fitusýrum og inniheldur sérstaklega hátt hlutfall af GLA (gamma-línóleniksýru) og línóleiksýru. Hefðbundið hlutfall af GLA í kvöldvorrósarolíu er 9% en línóleiksýran er í kringum 65-85% sem er með því hæsta sem finnst í náttúrunni.
Kvöldvorrósarolía hefur öflug bólgueyðandi og andoxandi áhrif. Hún viðheldur langvarandi raka og eykur teygjanleika húðarinnar ásamt því að vernda gegn skaðlegum umhverfisáhrifum. Kvöldvorrósarolía er einnig mýkjandi og græðandi og dregur úr bólgum og exemi.
Upprunaland: Kína.
Lífrænt vottuð kvöldvorrósarolía er í græðikremi.
Anna Rósa tínir sjálf mjaðjurt (Filipendula ulmaria) og notar blóm og blöð til að búa til mjaðjurtarolíu sem er í sárasmyrsli. Hún býr til olíu úr ferskri mjaðjurt sama dag og hún tínir hana.
Mjaðjurt hefur öflug bólgueyðandi, bakteríudrepandi og græðandi áhrif. Hún hefur öldum saman verið notuð til að draga úr bólgum, bæði innvortis og útvortis. Mjaðjurt græðir sár og húðútbrot.
Upprunaland: Anna Rósa tínir mjaðjurt á Íslandi.
Íslensk mjaðjurt er í sárasmyrsli.
Anna Rósa tínir morgunfrú (Calendula officinalis) í íslenskum görðum ásamt því að kaupa lífrænt vottaða morgunfrú erlendis frá. Hún býr til te úr morgunfrú til að nota í krem og tinktúru úr henni fyrir bóluhreinsi.
Morgunfrú er öflugur rakagjafi fyrir húðina ásamt því að vera áhrifarík lausn gegn bólum. Hún er vel þekkt fyrir bakteríu-, sveppa- og vírusdrepandi áhrif. Hún er einnig afar bólgueyðandi og er sérstaklega góð gegn bólum og hverskyns bólgum í húð.
Morgunfrú er líka þekkt fyrir að draga úr örum og laga húðina eftir að hún hefur orðið fyrir skaða af einhverjum toga. Rannsóknir á morgunfrú sýna að hún eykur teygjanleika húðarinnar og gefur góðan langvarandi raka.
Upprunaland: Anna Rósa tínir morgunfrú í íslenskum görðum eða kaupir lífrænt vottaða morgunfrú frá Bandaríkjunum.
Lífrænt vottuð morgunfrú eða íslensk morgunfrú eru í bóluhreinsi, 24 stunda kremi, dagkremi, græðikremi, handáburði og fótakremi.
Möndluolían okkar (Prunus dulcis) er lífrænt vottuð og pressuð úr möndlum sem vaxa á möndlutrjám.
Möndluolía er auðug af nauðsynlegum fitusýrum og E- og A-vítamíni. Hún er einstaklega rakagefandi og mýkjandi ásamt því að ganga fljótt inni í húðina. Möndluolían inniheldur andoxandi efni sem draga úr skaðlegum umhverfisáhrifum.
Upprunaland: Bandaríkin.
Lífrænt vottuð möndluolía er í handáburði.
Ilmkjarnaolían okkar úr appelsínublómum (Citrus aurantium) er lífrænt vottuð og gufueimuð úr blómum appelsínutrésins.
Neroli-ilmkjarnaolía er vel þekkt fyrir endurnærandi og róandi áhrif á húðina. Hún hefur löngum verið vinsæl fyrir viðkvæma og þroskaða húð en hún dregur úr fínum línum og merkjum öldrunar. Olían hefur hefðbundið verið notuð til að draga úr örum, sliti og háræðasliti í andliti.
Upprunaland: Frakkland.
Lífrænt vottuð neroli-ilmkjarnaolía er í 24 stunda kremi.
Ólífuolían okkar er unnin úr ávöxtum ólífutrésins á Ítalíu.
Ólífuolía er auðug af nauðsynlegum fitusýrum, aðallega óleiksýru. Óleiksýra hefur fjölbreytt áhrif á heilsu, m.a. öflug bólgueyðandi áhrif. Ólífuolía dregur úr bólgum í húð, t.d. rósroða og exemi. Hún inniheldur einnig hátt hlutfall af andoxunarefnum og vítamínum, þ.m.t. E-vítamín sem er þekkt fyrir að draga úr skaðlegum umhverfisáhrifum á húðina. Ólífuolía er rakagefandi og er sérstaklega góð fyrir þurra húð og sprungur ásamt því að hafa bakteríudrepandi áhrif. Hún viðheldur einnig teygjanleika húðarinnar og dregur úr merkjum öldrunar.
Upprunaland: Ítalía.
Ólífuolía er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr piparmyntu er lífrænt vottuð og gufueimuð úr piparmyntuplöntunni.
Ilmkjarnaolía úr piparmyntu er vel þekkt fyrir bólgueyðandi, bakteríudrepandi og kláðastillandi áhrif. Hún er kælandi og dregur úr kláða í húðsjúkdómum líkt og exemi og sóríasis.
Upprunaland: Marokkó.
Lífrænt vottuð piparmyntuilmkjarnaolía er í græðikremi og fótakremi.
Rósaolían okkar (Rosa damascena) er unnin úr ferskum rósablöðum.
Rósaolía hefur sefandi og endurnærandi áhrif á húð. Hún hentar sérstaklega vel fyrir viðkvæma og þroskaða húð því hún dregur úr fínum línum og merkjum öldrunar. Rósaolía sléttir og styrkir húð og er góð gegn æðasliti, roða og þurrki.
Upprunaland: Marokkó.
Rósaolían er í 24 stunda kremi.
Sheasmjörið (Bytyrosperum parkii) okkar er lífrænt og sanngirnisvottað (fair trade) og unnið úr hnetum Karite-trésins sem vex aðallega í Afríku. Þar hefur fólk öldum saman notað sheasmjör til verndar gegn sól og vindum, enda er það sérlega mýkjandi og rakagefandi.
Sheasmjör er náttúrulega auðugt af A- og E-vítamínum og inniheldur mjög hátt hlutfall af nauðsynlegum fitusýrum sem eru einstaklega öflugir rakagjafar. Fitusýrurnar viðhalda langvarandi raka, auka teygjanleika húðar og draga úr þurrki. Sheasmjör sléttar húð og dregur úr fínum línum og merkjum öldrunar. Það hefur einnig góð áhrif á húðsjúkdóma, bólgur, sár og brunasár. Að auki er náttúruleg sólarvörn í sheasmjöri (SPF-6) og hátt hlutfall af andoxunarefnum sem verja húðina gegn skaðlegum umhverfisáhrifum.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Ghana.
Lífrænt vottað sheasmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr sítrónugrasi (Cymbopogon flexuosus) er lífrænt vottuð og gufueimuð úr sítrónugrasi.
Sítrónugrasilmkjarnaolía hefur þægilegan sítrusilm og er bakteríudrepandi, bólgueyðandi og andoxandi.
Upprunaland: Indland.
Lífrænt vottuð ilmkjarnaolía úr sítrónugrasi er í handáburði.
Kakósmjörið okkar (Theobroma cacao) er lífrænt og sanngirnisvottað (fair trade) og unnið úr ristuðum fræjum kakótrésins. Það lyktar af súkkulaði og Anna Rósa hefur valið að nota hreint kakósmjör sem ekki er búið að fjarlægja lyktina úr. Öll rakakremin innihalda hátt hlutfall af kakósmjöri og því er mild súkkulaðilykt af þeim.
Náttúrulegt og óunnið kakósmjör er auðugt af E-vítamíni og andoxunarefnum. Það eykur teygjanleika húðarinnar og er einstaklega rakagefandi og nærandi. Kakósmjör gengur fljótt inn í húðina og dregur úr sliti, örum og merkjum öldrunar. Það ver húðina gegn þurrki og græðir exem og sóríasis.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Suður-Ameríka, Suðaustur-Asía og Vestur-Afríka.
Lífrænt vottað kakósmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr bergamot (Citrus bergamia) er lífrænt vottuð og kaldpressuð úr bergamot appelsínuberki. Við notum ilmkjarnaolíu úr bergamot sem er án virka efnisins bergapten en það getur valdið ljósofnæmi í húð.
Bergamot ilmkjarnaolían gefur ákaflega þægilegan sítrusilm og er þekkt fyrir bakteríudrepandi og bólgueyðandi áhrif. Hún getur einnig lýst upp dökka húðbletti og dregið úr húðútbrotum.
Upprunaland: Frakkland.
Lífrænt vottuð bergamot ilmkjarnaolía er í handáburði.
Apríkósukjarnaolían okkar (Prunus armeniaca) er lífrænt vottuð og kaldpressuð úr apríkósukjörnum.
Apríkósuolía er auðug af nauðsynlegum fitusýrum og E- og A-vítamíni. Hún er öflugur rakagjafi, nærir og gengur fljótt inn í húðina. Apríkósukjarnaolía er sérstaklega góð fyrir viðkvæma og þroskaða húð. Hún mýkir húðina, eykur teygjanleika hennar og dregur úr merkjum öldrunar. Olían hefur öflug andoxandi áhrif og dregur úr skaðlegum umhverfisáhrifum.
Upprunaland: Kenya.
Lífrænt vottuð apríkósukjarnaolía er í 24 stunda kremi.
Ilmkjarnaolían okkar úr lavender (Lavendula officinalis) er lífrænt vottuð og gufueimuð úr lavenderjurtinni.
Lavenderilmkjarnaolía er vel þekkt fyrir róandi áhrif á húðina. Hún hefur kláðastillandi, bakteríudrepandi og bólgueyðandi áhrif og er notuð til að draga úr kláða, græða sár, bólur, exem og sóríasis.
Upprunaland: Frakkland.
Lífrænt vottuð ilmkjarnaolía úr lavender er í dagkremi, græðikremi og sárasmyrsli.
Tea tree ilmkjarnaolían okkar (Melaleuca alternifolia) er lífrænt vottuð og gufueimuð úr blöðum og sprotum Tea tree trésins.
Tea tree ilmkjarnaolía er mjög vel þekkt fyrir góð áhrif á húðina. Hún er bakteríu-, sveppa- og vírusdrepandi ásamt því að hafa öflug bólgueyðandi áhrif. Anna Rósa notar Tea tree olíu sérstaklega í fótakremið vegna sveppadrepandi eiginleika.
Upprunaland: Ástralía.
Lífrænt vottuð Tea tree ilmkjarnaolía er í fótakremi.
Anna Rósa notar vatn til að búa til jurtate úr vallhumli, kamillu og morgunfrú sem er í öllum rakakremum. Hún notar einnig vatn til að búa til tinktúrur fyrir bóluhreinsi.
Vatn er í dagkremi, 24 stunda kremi, græðikremi, handáburði, fótakremi og bóluhreinsi.
Anna Rósa tínir sjálf vallhumal (Achillea millefolium) og notar fersk blóm og blöð til að búa til vallhumalsolíu sem er í sárasmyrsli. Hún gerir einnig te úr þurrkuðum vallhumli fyrir rakakremin og tinktúru úr ferskum vallhumli fyrir bóluhreinsi.
Vallhumall er einstaklega fjölhæf lækningajurt sem á sér aldagamla sögu í grasalækningum. Hann er bakteríu- og sýkladrepandi ásamt því að vera afar bólgueyðandi en hann er sérstaklega góður til að draga úr bólum og fílapenslum. Vallhumall hefur einnig sterk andoxandi áhrif sem gera hann að einstaklega öflugum rakagjafa fyrir húðina. Hann er samkvæmt hefð notaður til að græða sár og húðkvilla og er einstaklega góður á gömul sár sem gróa seint og illa.
Upprunaland: Anna Rósa tínir vallhumal á Íslandi.
Íslenskur vallhumall er í bóluhreinsi, dagkremi, 24 stunda kremi, græðikremi, handáburði, fótakremi og sárasmyrsli.
Kamillublómin okkar (Matricaria recutita) eru lífrænt vottuð og kamillute er notað til að búa til rakakrem.
Kamilla er einstaklega góð jurt fyrir þurra húð því hún er öflugur rakagjafi ásamt því að róa húðina. Hún er öflug bólgueyðandi jurt og er því sérstaklega góð gegn roða og bólgum í húð.
Kamilla er ekki bara róandi og rakagefandi heldur líka græðandi. Kamilla er einstaklega góð til að draga úr kláða og græða sár, exem, brunasár, bleiuútbrot, sárar geirvörtur og frunsur.
Upprunaland: Króatía.
Lífrænt vottuð kamillublóm eru í 24 stunda kremi, dagkremi, græðikremi, handáburði og fótakremi.
Þegar hvít krem eru gerð sem eiga að endast lengur en í nokkrar vikur verður ekki hjá því komist að nota kemísk rotvarnarefni. Hvít krem innihalda vatn, öfugt við smyrsl, og dugar því ekki að nota eingöngu náttúruleg rotvarnarefni líkt og E-vítamín. Anna Rósa notar blöndu af potassium sorbate, phenoxyethanol, benzyl alcohol og E-vítamíni til að koma í veg fyrir bakteríumyndun og myglu í kremum. Þessi blanda af rotvarnarefnum er samþykkt af bresku lífrænu vottunarstofunni, Soil Association, og má finna hana í lífrænt vottuðum kremum frá Bretlandi. Öll rotvarnarefni í blöndunni skora lágt á EWG (Environmental Working Group) skalanum sem sýnir eitrunarstig innihaldsefna í snyrtivörum. Anna Rósa notar minna af rotvarnarefnunum en mælt er með því margar af jurtunum í kremunum eru líka bakteríudrepandi.
Potassium Sorbate skorar 2 (lítil hætta) á EWG skalanum, en 1-10 sýnir eitrunarstig innihaldsefna.
Upprunaland: Þýskaland.
Potassium Sorbate er í dagkremi, 24 stunda kremi, græðikremi, handáburði og fótakremi.
Polysorbate 60 er bindiefni notað til að binda saman vatn og olíu í hvítum kremum. Formúlan er byggð á efnum unnum úr jurtaríkinu og hentar vel fyrir allar húðgerðir. Polysorbate 60 róar og græðir þurra húð.
Polysorbate 60 skorar lágt á EWG (Environmental Working Group) skalanum sem sýnir eitrunarstig innihaldsefna í snyrtivörum. Polysorbate 60 skorar 1-3 (lítil hætta) á EWG skalanum, en 1-10 sýnir eitrunarstig innihaldsefna.
Upprunaland: Bandaríkin.
Polysorbate 60 er í dagkremi, 24 stunda kremi, græðikremi, handáburði og fótakremi.
Þegar hvít krem eru gerð sem eiga að endast lengur en í nokkrar vikur verður ekki hjá því komist að nota kemísk rotvarnarefni. Hvít krem innihalda vatn, öfugt við smyrsl, og dugar því ekki að nota eingöngu náttúruleg rotvarnarefni líkt og E-vítamín. Anna Rósa notar blöndu af phenoxyethanol, benzyl alcohol, potassium sorbate og E-vítamíni til að koma í veg fyrir bakteríumyndun og myglu í kremum. Þessi blanda af rotvarnarefnum er samþykkt af bresku lífrænu vottunarstofunni, Soil Association, og má finna hana í lífrænt vottuðum kremum frá Bretlandi. Öll rotvarnarefni í blöndunni skora lágt á EWG (Environmental Working Group) skalanum sem sýnir eitrunarstig innihaldsefna í snyrtivörum. Anna Rósa notar minna af rotvarnarefnunum en mælt er með því margar af jurtunum í kremunum eru líka bakteríudrepandi.
Phenoxyethanol skorar 2-4 (lítil hætta) á EWG skalanum, en 1-10 sýnir eitrunarstig innihaldsefna.
Upprunaland: Þýskaland.
Phenoxyethanol er í dagkremi, 24 stunda kremi, græðikremi, handáburði og fótakremi.
Etanól eða etýl-alkóhól er búið til úr gerjuðu korni, sykurrófum og sykurreyr.
Grasalæknar búa hefðbundið til tinktúrur úr jurtum með því að leggja þær í alkóhól. Tinktúrur eru notaðar bæði innvortis og útvortis. Anna Rósa notar alkóhól til að búa til tinktúrur sem hún blandar saman svo úr verður bóluhreinsir. Alkóhól dregur út virku efnin úr jurtum ásamt því að rotverja á náttúrulegan hátt. Alkóhól er líka bakteríudrepandi og sótthreinsandi sem eykur áhrifin af bóluhreinsinum.
Upprunaland: Þýskaland eða Frakkland.
Etanól er í bóluhreinsi.
Cetyl stearyl alcohol (samheiti: Cetearyl alcohol) er bindiefni notað til að binda saman vatn og olíu í hvítum kremum. Formúlan er byggð á efnum unnum úr jurtaríkinu og hentar vel fyrir allar húðgerðir. Cetyl stearyl alcohol róar og græðir þurra húð.
Cetyl stearyl alcohol á ekkert sameiginlegt með alkóhóli þrátt fyrir nafnið en hér er fræðandi grein um þetta algenga innihaldsefni í húðvörum.
Cetyl stearyl alcohol skorar lágt á EWG (Environmental Working Group) skalanum sem sýnir eitrunarstig innihaldsefna í snyrtivörum.
Cetyl stearyl alcohol skorar 1 (lítil hætta) á EWG skalanum, en 1-10 sýnir eitrunarstig innihaldsefna.
Upprunaland: Bandaríkin.
Cetyl stearyl alcohol er í dagkremi, 24 stunda kremi, græðikremi, handáburði og fótakremi.
Þegar hvít krem eru gerð sem eiga að endast lengur en í nokkrar vikur verður ekki hjá því komist að nota kemísk rotvarnarefni. Hvít krem innihalda vatn, öfugt við smyrsl, og dugar því ekki að nota eingöngu náttúruleg rotvarnarefni líkt og E-vítamín. Anna Rósa notar blöndu af benzyl alcohol, phenoxyethanol, potassium sorbate og E-vítamíni til að koma í veg fyrir bakteríumyndun og myglu í kremum. Þessi blanda af rotvarnarefnum er samþykkt af bresku lífrænu vottunarstofunni, Soil Association, og má finna hana í lífrænt vottuðum kremum frá Bretlandi. Öll rotvarnarefni í blöndunni skora lágt á EWG (Environmental Working Group) skalanum sem sýnir eitrunarstig innihaldsefna í snyrtivörum. Anna Rósa notar minna af rotvarnarefnunum en mælt er með því margar af jurtunum í kremunum eru líka bakteríudrepandi.
Benzyl alcohol skorar 4-6 (meðal hætta) á EWG skalanum, en 1-10 sýnir eitrunarstig innihaldsefna.
Upprunaland: Þýskaland.
Benzyl alcohol er í dagkremi, 24 stunda kremi, græðikremi, handáburði og fótakremi.
Vilborg Karlsdóttir (verified owner) –
Lara Jonsdottir (verified owner) –
Olga Sædís Einarsdóttir (verified owner) –
Ég er ekki byrjuð á þessum, en mun taka hann þegar ég er búinn með sólhattinn, ég hef oft tekið túrmerikhylki og hafa þau gert mér gott.
Svanborg Jónsdóttir (verified owner) –
Túrmerik og engifer halda sökki í blóðinu í lagi, áður fyrr bólgnaði ég á úlnliðsbeininu vegna þess. Nú hefur það haldist í lagi og læknir spurði mig; “hverju ég hefði breytt.”
Lilja Sigurgeirsdóttir (verified owner) –
Tel mig vera hressari af þessu.
Svanborg Jónsdóttir (verified owner) –
Ég trúi á þetta grasalyf og vil helst ekki vera án þess
Svanborg Jónsdóttir (verified owner) –
Túrmerik og engifer er ómissandi fyrir blóðsökkið
Snjólaug Grétarsdóttir (verified owner) –
Tumerik og engiferið er að gera mér mjög gott, finn mun a uppblásnum maga.