Original price was: 9.990 kr..7.990 kr.Current price is: 7.990 kr..
Vantar þig extra raka og næringu? Einstaklega rakagefandi og nærandi olía sem dregur úr þurrki, fínum línum og hrukkum. Viðheldur náttúrulegum ljóma, þéttir og stinnir. Innheldur bólgueyðandi íslenskar jurtir og hágæða lífrænar olíur sem gefa djúpa næringu. Hafþyrnisolía og hjólkrónuolía innihalda hátt hlutfall af nauðsynlegum fitusýrum sem gefa húðinni einstaka mýkt.
Inniheldur íslenskar jurtir tíndar af Önnu Rósu.
20 ml
Notkun: Berðu á andlit, háls og bringu kvölds og/eða morgna.
Áhrif:
Húðgerð: Fyrir allar húðgerðir.
Formúla: 100% náttúrulegar vörur handunnar af Önnu Rósu grasalækni. Íslenskar jurtir og lífræn hráefni í hæsta gæðaflokki. Vegan, án glúteins og ekki prófað á dýrum. Inniheldur EKKI parabena, kemísk ilmefni, parafín, jarðolíur, súlföt, PEGs, TEA, DEA, ftalöt, GMO, sílíkon, skordýraeitur, litarefni eða mögulega krabbameinsvalda.
Geymsluþol: Blómi andlitsolía er með eins og hálfs árs endingartíma og við ábyrgjumst 6 mánaða endingu eftir opnun. Olían er framleidd oft og í litlu magni til að tryggja ferskleika hennar. Geymist við stofuhita.
Nei því miður, það er EKKI hægt að panta í vefverslun og sækja í verslun á Langholtsvegi 109. Í stað þess að panta og sækja í verslun er hægt að koma í verslunina sem er opin fimmtudaga og föstudaga frá 12-16 og kaupa á staðnum.
Já, við erum með opna búð að Langholtsvegi 109 (Drekavogsmegin). Það er opið fimmtudaga og föstudaga frá 12-16.
Við afgreiðum pantanir einu sinni til tvisvar í viku, oftast á mánudögum og fimmtudögum. Hægt er að velja afhendingu í box um land allt eða kvölddreifingu frá kl 17-22 á höfuðborgarsvæðinu og á suðvesturhorninu. SMS er sent um áætlaðan afhendingartíma. Því miður er ekki í boði að sækja vörur sem pantaðar eru í vefverslun í verslun Önnu Rósu á Langholtsvegi 109.
Við bjóðum reglulega upp á afsláttarkóða í fréttabréfinu okkar. Skráðu þig á póstlista og fylgstu vel með!
Já, við erum með lúxusprufur af öllum húðvörum. Lúxusprufur af kremum eru 15 ml og af bóluhreinsi 20 ml. Prufurnar eru í sömu hágæða glerkrukkum/flöskum og húðvörur í fullri stærð. Þetta magn er nóg til þess að prufa í nokkur skipti og sjá hvort varan hentar þinni húð. Lúxusprufur fást eingöngu í vefverslun.
*lífrænt vottað eða tínt af Önnu Rósu
Jojobaolía (Simmondsia chinensis)*, hafþyrnisolía (hippophae rhamnoides)*, apríkósukjarnaolía (prunus armeniaca)*, vallhumalsolía (achillea millefolium)*, mjaðjurtarolía (filipendula ulmaria)*, morgunfrúarolía (calendula officinalis)*, hjólkrónuolía (borago officinalis)*, black cumin olía (nigella sativa)*, óerfðabreytt E-vítamín (tocopherol), blue tansy olía (tanacetum annuum)*, rósaolía (rosa damascena).
Anna Rósa tínir sjálf birkið og notar bæði blöð og fremsta hluta ungra sprota. Hún gerir birkiolíu úr fersku birki sama dag og hún tínir það og notar olíuna til að búa til sárasmyrsl.
Birki er einstaklega gott fyrir húðina því það er mjög bólgueyðandi og bakteríudrepandi. Það er hefðbundið að nota birki til að græða sár og það er notað bæði innvortis og útvortis fyrir exem og sóríasis.
Upprunaland: tínt af Önnu Rósu á Íslandi.
Íslenskt birki er í sárasmyrsli.
Anna Rósa tínir sjálf blóðbergið (Thymus praecox) og notar blóm og blöð. Hún býr til tinktúru úr fersku blóðbergi sama dag og hún tínir það og notar hana til að búa til bóluhreinsi.
Blóðberg er vel þekkt fyrir bakteríudrepandi og græðandi áhrif. Anna Rósa hefur í áratugi notað það gegn bólum með mjög góðum árangri.
Upprunaland: tínt af Önnu Rósu á Íslandi.
Íslenskt blóðberg er í bóluhreinsi.
Garðablóðbergið okkar (Thymus vulgaris) er lífrænt vottað en Anna Rósa býr til tinktúru úr garðablóðbergi sem notuð er í bóluhreinsi.
Garðablóðberg er vel þekkt fyrir bakteríudrepandi, bólgueyðandi, andoxandi og græðandi áhrif. Anna Rósa hefur notað það ásamt íslensku blóðbergi gegn bólum í fjöldamörg ár með frábærum árangri. Rannsóknir á garðablóðbergi hafa sýnt fram á áhrif þess gegn bólum.
Upprunaland: Egyptaland.
Lífrænt vottað garðablóðberg er í bóluhreinsi.
Bývaxið okkar (Cera flava) er lífrænt vottað, óbleikt og ekki erfðabreytt (GMO free).
Bývax er rakagefandi frá náttúrunnar hendi, mýkir og dregur úr kláða ásamt því að vera sérstaklega gott fyrir viðkvæma húð. Það hefur frá örófi alda verið notað til að þykkja smyrsl.
Upprunaland: Bandaríkin.
Lífrænt vottað bývax er í sárasmyrsli og er einnig selt eitt og sér.
Ilmkjarnaolían okkar úr eucalyptus (Eucalyptus globulus) er lífrænt vottuð og gufueimuð úr blöðum eucalyptus-trésins.
Eucalyptus-ilmkjarnaolía hefur öflug kláðastillandi, sveppadrepandi og bólgueyðandi áhrif en Anna Rósa notar hana í fótakrem gegn sveppasýkingum. Ilmkjarnaolían hefur einnig kælandi og endurnærandi áhrif á þreytta fætur.
Upprunaland: Ástralía.
Lífrænt vottuð eucalyptus-ilmkjarnaolía er í fótakremi.
E-vítamínolían okkar (blandaðir tocopherols) er unnin úr grænmetisolíum sem ekki hafa verið erfðabreyttar.
E-vítamín er auðugt af bólgueyðandi og andoxandi efnum. Það er náttúrulegt rotvarnarefni og er einnig græðandi og mýkjandi fyrir húðina ásamt því að draga úr bólgum í húðsjúkdómum. E-vítamín er öflugur rakagjafi, sérstaklega fyrir þurra, viðkvæma og þroskaða húð en það er einnig þekkt fyrir að draga úr merkjum öldrunar.
E-vítamín er eina rotvarnarefnið í sárasmyrslinu og að auki er hátt hlutfall af því í 24 stunda kremi og græðikremi.
Upprunaland: Spánn.
E-vítamín er í dagkremi, 24 stunda kremi, græðikremi, handáburði, fótakremi og sárasmyrsli.
Anna Rósa tínir sjálf haugarfa og býr til olíu úr honum sem hún notar í sárasmyrsl. Hún býr til olíuna úr ferskum arfa sama dag og hún tínir hann.
Haugarfi er öflug kláðastillandi, bólgueyðandi og kælandi jurt. Hann er einstaklega græðandi og góður gegn hverskyns kláða, sárum, exemi og sóríasis.
Upprunaland: tínt af Önnu Rósu á Íslandi.
Íslenskur haugarfi er í sárasmyrsli.
Kvöldvorrósarolían okkar (Oenothera biennis) er lífrænt vottuð, 100% hrein og kaldpressuð úr fræjum kvöldvorrósarinnar.
Kvöldvorrósarolía er auðug af nauðsynlegum fitusýrum og inniheldur sérstaklega hátt hlutfall af GLA (gamma-línóleniksýru) og línóleiksýru. Hefðbundið hlutfall af GLA í kvöldvorrósarolíu er 9% en línóleiksýran er í kringum 65-85% sem er með því hæsta sem finnst í náttúrunni.
Kvöldvorrósarolía hefur öflug bólgueyðandi og andoxandi áhrif. Hún viðheldur langvarandi raka og eykur teygjanleika húðarinnar ásamt því að vernda gegn skaðlegum umhverfisáhrifum. Kvöldvorrósarolía er einnig mýkjandi og græðandi og dregur úr bólgum og exemi.
Upprunaland: Kína.
Lífrænt vottuð kvöldvorrósarolía er í græðikremi.
Anna Rósa tínir sjálf mjaðjurt (Filipendula ulmaria) og notar blóm og blöð til að búa til mjaðjurtarolíu sem er í sárasmyrsli. Hún býr til olíu úr ferskri mjaðjurt sama dag og hún tínir hana.
Mjaðjurt hefur öflug bólgueyðandi, bakteríudrepandi og græðandi áhrif. Hún hefur öldum saman verið notuð til að draga úr bólgum, bæði innvortis og útvortis. Mjaðjurt græðir sár og húðútbrot.
Upprunaland: Anna Rósa tínir mjaðjurt á Íslandi.
Íslensk mjaðjurt er í sárasmyrsli.
Anna Rósa tínir morgunfrú (Calendula officinalis) í íslenskum görðum ásamt því að kaupa lífrænt vottaða morgunfrú erlendis frá. Hún býr til te úr morgunfrú til að nota í krem og tinktúru úr henni fyrir bóluhreinsi.
Morgunfrú er öflugur rakagjafi fyrir húðina ásamt því að vera áhrifarík lausn gegn bólum. Hún er vel þekkt fyrir bakteríu-, sveppa- og vírusdrepandi áhrif. Hún er einnig afar bólgueyðandi og er sérstaklega góð gegn bólum og hverskyns bólgum í húð.
Morgunfrú er líka þekkt fyrir að draga úr örum og laga húðina eftir að hún hefur orðið fyrir skaða af einhverjum toga. Rannsóknir á morgunfrú sýna að hún eykur teygjanleika húðarinnar og gefur góðan langvarandi raka.
Upprunaland: Anna Rósa tínir morgunfrú í íslenskum görðum eða kaupir lífrænt vottaða morgunfrú frá Bandaríkjunum.
Lífrænt vottuð morgunfrú eða íslensk morgunfrú eru í bóluhreinsi, 24 stunda kremi, dagkremi, græðikremi, handáburði og fótakremi.
Möndluolían okkar (Prunus dulcis) er lífrænt vottuð og pressuð úr möndlum sem vaxa á möndlutrjám.
Möndluolía er auðug af nauðsynlegum fitusýrum og E- og A-vítamíni. Hún er einstaklega rakagefandi og mýkjandi ásamt því að ganga fljótt inni í húðina. Möndluolían inniheldur andoxandi efni sem draga úr skaðlegum umhverfisáhrifum.
Upprunaland: Bandaríkin.
Lífrænt vottuð möndluolía er í handáburði.
Ilmkjarnaolían okkar úr appelsínublómum (Citrus aurantium) er lífrænt vottuð og gufueimuð úr blómum appelsínutrésins.
Neroli-ilmkjarnaolía er vel þekkt fyrir endurnærandi og róandi áhrif á húðina. Hún hefur löngum verið vinsæl fyrir viðkvæma og þroskaða húð en hún dregur úr fínum línum og merkjum öldrunar. Olían hefur hefðbundið verið notuð til að draga úr örum, sliti og háræðasliti í andliti.
Upprunaland: Frakkland.
Lífrænt vottuð neroli-ilmkjarnaolía er í 24 stunda kremi.
Ólífuolían okkar er unnin úr ávöxtum ólífutrésins á Ítalíu.
Ólífuolía er auðug af nauðsynlegum fitusýrum, aðallega óleiksýru. Óleiksýra hefur fjölbreytt áhrif á heilsu, m.a. öflug bólgueyðandi áhrif. Ólífuolía dregur úr bólgum í húð, t.d. rósroða og exemi. Hún inniheldur einnig hátt hlutfall af andoxunarefnum og vítamínum, þ.m.t. E-vítamín sem er þekkt fyrir að draga úr skaðlegum umhverfisáhrifum á húðina. Ólífuolía er rakagefandi og er sérstaklega góð fyrir þurra húð og sprungur ásamt því að hafa bakteríudrepandi áhrif. Hún viðheldur einnig teygjanleika húðarinnar og dregur úr merkjum öldrunar.
Upprunaland: Ítalía.
Ólífuolía er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr piparmyntu er lífrænt vottuð og gufueimuð úr piparmyntuplöntunni.
Ilmkjarnaolía úr piparmyntu er vel þekkt fyrir bólgueyðandi, bakteríudrepandi og kláðastillandi áhrif. Hún er kælandi og dregur úr kláða í húðsjúkdómum líkt og exemi og sóríasis.
Upprunaland: Marokkó.
Lífrænt vottuð piparmyntuilmkjarnaolía er í græðikremi og fótakremi.
Rósaolían okkar (Rosa damascena) er unnin úr ferskum rósablöðum.
Rósaolía hefur sefandi og endurnærandi áhrif á húð. Hún hentar sérstaklega vel fyrir viðkvæma og þroskaða húð því hún dregur úr fínum línum og merkjum öldrunar. Rósaolía sléttir og styrkir húð og er góð gegn æðasliti, roða og þurrki.
Upprunaland: Marokkó.
Rósaolían er í 24 stunda kremi.
Sheasmjörið (Bytyrosperum parkii) okkar er lífrænt og sanngirnisvottað (fair trade) og unnið úr hnetum Karite-trésins sem vex aðallega í Afríku. Þar hefur fólk öldum saman notað sheasmjör til verndar gegn sól og vindum, enda er það sérlega mýkjandi og rakagefandi.
Sheasmjör er náttúrulega auðugt af A- og E-vítamínum og inniheldur mjög hátt hlutfall af nauðsynlegum fitusýrum sem eru einstaklega öflugir rakagjafar. Fitusýrurnar viðhalda langvarandi raka, auka teygjanleika húðar og draga úr þurrki. Sheasmjör sléttar húð og dregur úr fínum línum og merkjum öldrunar. Það hefur einnig góð áhrif á húðsjúkdóma, bólgur, sár og brunasár. Að auki er náttúruleg sólarvörn í sheasmjöri (SPF-6) og hátt hlutfall af andoxunarefnum sem verja húðina gegn skaðlegum umhverfisáhrifum.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Ghana.
Lífrænt vottað sheasmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr sítrónugrasi (Cymbopogon flexuosus) er lífrænt vottuð og gufueimuð úr sítrónugrasi.
Sítrónugrasilmkjarnaolía hefur þægilegan sítrusilm og er bakteríudrepandi, bólgueyðandi og andoxandi.
Upprunaland: Indland.
Lífrænt vottuð ilmkjarnaolía úr sítrónugrasi er í handáburði.
Kakósmjörið okkar (Theobroma cacao) er lífrænt og sanngirnisvottað (fair trade) og unnið úr ristuðum fræjum kakótrésins. Það lyktar af súkkulaði og Anna Rósa hefur valið að nota hreint kakósmjör sem ekki er búið að fjarlægja lyktina úr. Öll rakakremin innihalda hátt hlutfall af kakósmjöri og því er mild súkkulaðilykt af þeim.
Náttúrulegt og óunnið kakósmjör er auðugt af E-vítamíni og andoxunarefnum. Það eykur teygjanleika húðarinnar og er einstaklega rakagefandi og nærandi. Kakósmjör gengur fljótt inn í húðina og dregur úr sliti, örum og merkjum öldrunar. Það ver húðina gegn þurrki og græðir exem og sóríasis.
Sanngirnisvottun (fair trade) er staðfesting á því að bændur og vinnufólk fái sanngjarnt verð fyrir hráefni. Þetta er einnig vottun á því að greidd séu sanngjörn laun og allur aðbúnaður vinnufólks sé í lagi.
Upprunaland: Suður-Ameríka, Suðaustur-Asía og Vestur-Afríka.
Lífrænt vottað kakósmjör er í 24 stunda kremi, dagkremi, græðikremi, handáburði, fótakremi og sárasmyrsli.
Ilmkjarnaolían okkar úr bergamot (Citrus bergamia) er lífrænt vottuð og kaldpressuð úr bergamot appelsínuberki. Við notum ilmkjarnaolíu úr bergamot sem er án virka efnisins bergapten en það getur valdið ljósofnæmi í húð.
Bergamot ilmkjarnaolían gefur ákaflega þægilegan sítrusilm og er þekkt fyrir bakteríudrepandi og bólgueyðandi áhrif. Hún getur einnig lýst upp dökka húðbletti og dregið úr húðútbrotum.
Upprunaland: Frakkland.
Lífrænt vottuð bergamot ilmkjarnaolía er í handáburði.
Apríkósukjarnaolían okkar (Prunus armeniaca) er lífrænt vottuð og kaldpressuð úr apríkósukjörnum.
Apríkósuolía er auðug af nauðsynlegum fitusýrum og E- og A-vítamíni. Hún er öflugur rakagjafi, nærir og gengur fljótt inn í húðina. Apríkósukjarnaolía er sérstaklega góð fyrir viðkvæma og þroskaða húð. Hún mýkir húðina, eykur teygjanleika hennar og dregur úr merkjum öldrunar. Olían hefur öflug andoxandi áhrif og dregur úr skaðlegum umhverfisáhrifum.
Upprunaland: Kenya.
Lífrænt vottuð apríkósukjarnaolía er í 24 stunda kremi.
Ilmkjarnaolían okkar úr lavender (Lavendula officinalis) er lífrænt vottuð og gufueimuð úr lavenderjurtinni.
Lavenderilmkjarnaolía er vel þekkt fyrir róandi áhrif á húðina. Hún hefur kláðastillandi, bakteríudrepandi og bólgueyðandi áhrif og er notuð til að draga úr kláða, græða sár, bólur, exem og sóríasis.
Upprunaland: Frakkland.
Lífrænt vottuð ilmkjarnaolía úr lavender er í dagkremi, græðikremi og sárasmyrsli.
Tea tree ilmkjarnaolían okkar (Melaleuca alternifolia) er lífrænt vottuð og gufueimuð úr blöðum og sprotum Tea tree trésins.
Tea tree ilmkjarnaolía er mjög vel þekkt fyrir góð áhrif á húðina. Hún er bakteríu-, sveppa- og vírusdrepandi ásamt því að hafa öflug bólgueyðandi áhrif. Anna Rósa notar Tea tree olíu sérstaklega í fótakremið vegna sveppadrepandi eiginleika.
Upprunaland: Ástralía.
Lífrænt vottuð Tea tree ilmkjarnaolía er í fótakremi.
Anna Rósa notar vatn til að búa til jurtate úr vallhumli, kamillu og morgunfrú sem er í öllum rakakremum. Hún notar einnig vatn til að búa til tinktúrur fyrir bóluhreinsi.
Vatn er í dagkremi, 24 stunda kremi, græðikremi, handáburði, fótakremi og bóluhreinsi.
Anna Rósa tínir sjálf vallhumal (Achillea millefolium) og notar fersk blóm og blöð til að búa til vallhumalsolíu sem er í sárasmyrsli. Hún gerir einnig te úr þurrkuðum vallhumli fyrir rakakremin og tinktúru úr ferskum vallhumli fyrir bóluhreinsi.
Vallhumall er einstaklega fjölhæf lækningajurt sem á sér aldagamla sögu í grasalækningum. Hann er bakteríu- og sýkladrepandi ásamt því að vera afar bólgueyðandi en hann er sérstaklega góður til að draga úr bólum og fílapenslum. Vallhumall hefur einnig sterk andoxandi áhrif sem gera hann að einstaklega öflugum rakagjafa fyrir húðina. Hann er samkvæmt hefð notaður til að græða sár og húðkvilla og er einstaklega góður á gömul sár sem gróa seint og illa.
Upprunaland: Anna Rósa tínir vallhumal á Íslandi.
Íslenskur vallhumall er í bóluhreinsi, dagkremi, 24 stunda kremi, græðikremi, handáburði, fótakremi og sárasmyrsli.
Kamillublómin okkar (Matricaria recutita) eru lífrænt vottuð og kamillute er notað til að búa til rakakrem.
Kamilla er einstaklega góð jurt fyrir þurra húð því hún er öflugur rakagjafi ásamt því að róa húðina. Hún er öflug bólgueyðandi jurt og er því sérstaklega góð gegn roða og bólgum í húð.
Kamilla er ekki bara róandi og rakagefandi heldur líka græðandi. Kamilla er einstaklega góð til að draga úr kláða og græða sár, exem, brunasár, bleiuútbrot, sárar geirvörtur og frunsur.
Upprunaland: Króatía.
Lífrænt vottuð kamillublóm eru í 24 stunda kremi, dagkremi, græðikremi, handáburði og fótakremi.
Anna Ola –
Ég elska Blóma, húðin á mér hefur aldrei verið betri Èg hef í mörg ár verið að fást við þurrk og feita húð á sama tíma. Með Blóma er ég að ná fullkomnu jafnvægi. Get ekki mælt nógu vel með ⭐️⭐️⭐️⭐️⭐️
Halldóra Björk Heiðarsdóttir –
Hef aldrei verið betri í húðinni eftir að ég byrjaði að nota Blóma andlitsolíuna! Er með blandaða húð og vanalega mjög þurr í kringum nefið sem ekkert hefur virkað á fyrr en ég prófaði þessa andlitsolíu. Gefur mikinn raka og heldur húðinni minni í góðu jafnvægi. Mæli 100% með!
Rósa Dögg Ómarsdóttir –
Blóma andlitsolían er frískandi og gefur góðan raka.
Ég er ólétt og hef verið að setja olíuna á kúluna líka og hún verður silkimjúk.
Greinilega gæðavara hér á ferð, þetta er vara sem ég mun klárlega halda áfram að nota.
Anna Birna –
Ég er einstaklega hrifin af Blóma andlitsolíunni, hún smýgur vel inní húðina og gerir hana silkimjúka. Nota hana bæði á andlit og háls. Mæli 100% með Blóma.
Anna Margrét Elíasdóttir –
Hef verið að nota Blóma andlitsolíuna á andlit og háls um tíma og finn strax mun, jafnari raki og þéttleiki, húðin er silkimjúk og ljómandi. Ég er mjög ánægð með þess vöru og mun halda áfram að nota hana.
Jolanta –
This Face Oil is truly amazing! I apply it in the morning and it gives my skin a healthy glow, which keeps on the whole day. Since I’am using it, my skin looks perfectly smooth, more relaxed, and hydrated. Even though I have a combination skin, this face oil is perfect also for the oily parts of my face (no breakouts at all).
Sigurður –
Ég nota Blóma alla morgna, eftir rakstur og fyrir svefn. Blómi gefur húðinni einstaka mýkt sem endist vel yfir allan daginn. Blómi er svo sannarlega kominn til að vera í húðrútínunni minni, mæli eindregið með!
Mirra –
Mjög góð olía sem gefur húðinni mikla næringu og mýkt! Er með blandaða húð og er hentar hun mjög vel bæði fyrir þurrkinn en líka fyrir fitumeiri svæðin því hún stíflar ekki húðina. Lyktin af olíunni er mild og rosalega góð! Mæli 100% með Blóma.
Anna T. (verified owner) –
Gefur fallegan ljóma og silkimjúka húð án fitugljáa.
Einar Gíslason (verified owner) –
Mjög góð segir konan mín.
Anonymous (verified owner) –
Frábær olía!
Bjarney S. (verified owner) –
Besta olía sem ég hef fengið mér Blómi Andlitsolian hún fer strax inn í húðina og smitar ekki frá sér og en Þá betra að það er mjög lítil líkt af henni sem passar fyrir mig.
Anonymous (verified owner) –
Mjög mjúk og góð olía🌹
Lilja (verified owner) –
Frábær vara á góðu verði
Guðrún Sigríður Þorsteinsdóttir (verified owner) –
Blómi ásamt dagkremi og eða sólarhringskreminu er það besta saman
Guðrún Sigríður Þorsteinsdóttir (verified owner) –
Frábær andlitsolia
Magnea Sigríður Guttormsdóttir (verified owner) –
Þetta er sko sú yndislegasta og besta andlitsolía sem ég hef notað. Bara líka svo gott að vita að hún er búin til úr lífrænum íslenskum jurtum sem Anna Rósa tínir sjálf á ómenguð um stöðum á landinu okkar. Mun sko nota þessa olíu alla daga út lífið.
Anonymous (verified owner) –
Bara búin að nota í stuttan tíma
Anonymous (verified owner) –
Set á mig Blóma andlitsolíu að kvöldi og vakna með silkimjúka húð á morgnana.
Fanney Ólöf (verified owner) –
Algert snilldar andlitskrem/olía
Magnea Sigríður G. (verified owner) –
Besta og hreinasta andlitsolían á markaðinum í dag.
Inga Lára (verified owner) –
Works wonders and the skin feels like silk in the morning.
Lára Ólafsdóttir (verified owner) –
Nýlega prófaði ég Blóma andlitsolíuna og nota hana mest eftir útivist. Mér finnst (68 ára) húðin í andlitinu drekka hana í sig með mestu ánægju!
Sif Ingvarsdóttir (verified owner) –
Elska þessa olíu meira en allt!
Ágústa H. (verified owner) –
Gefur góða og rólega tilfinningu þegar húðin er þurr og með kláða
Verified Buyer (verified owner) –
Besta sem ég veit á mína viðkvæmu húð, gefur góðan raka og ég lít alltaf ferskari út þá daga sem ég nota blóma
Bára Ólafsdóttir (verified owner) –
Dásemd!
Ólöf Guðmundsdóttir (verified owner) –
Virkar mjög vel
Erna Stefánsdóttir (verified owner) –
Super góð❤️
Sigrún (verified owner) –
Frábær andlitsolía sem nærir vel húðina