Ljúfmeti úr lækningajurtum

Anna Rósa grasalæknir og ástríðukokkurinn Albert Eiríksson hafa brennandi áhuga á eldamennsku og lækningajurtum. Í þessari bók hafa þau tekið höndum saman og útkoman er fjöldi girnilegra og gómsætra rétta þar sem krydd- og lækningajurtir eru í hávegum hafðar. Hér er meðal annars næringarríkur morgunmatur, kjöt-, fisk- og grænmetisréttir og ljúffengar súpur að ógleymdum drykkjum, brauði og eftirréttum. Miðlað er fræðandi upplýsingum um lækningamátt jurtanna og stungið upp á öðru hráefni þegar ekki fást ferskar lækningajurtir á veturna.