Triphala, hvað er nú það?

Triphala, hvað er nú það?

Triphala er ekki  nafn á einni jurt heldur heiti á ævafornri blöndu af þremur indverskum ávöxtum: Haritaki (Terminalia chebula), bibhitaki (Terminalia bellirica) og amalaki (Emblica officinalis) í jöfnum hlutföllum. Triphala er ein elsta og þekktasta jurtablanda sem um getur á Indlandi en undanfarna áratugi hefur hún einnig náð miklum vinsældum á vesturlöndum og er nýfarin að fást á Íslandi. Á Indlandi er triphala jafn vinsælt og lýsið hérlendis en triphala þykir hafa ákafalega fjölbreytileg áhrif. Indverskt máltæki lýsir t.d. ágætlega trú manna á þessa blöndu: „ No mother? Don‘t worry so long as you have Triphala!“ sem útlegst á íslensku: „Ef þú ert móðurlaus, þarftu ekki að hafa áhyggjur svo lengi sem þú átt triphala!.“ Amalaki, einn af ávöxtunum í triphala inniheldur t.d. mun meira magn af C- vítamíni en appelsínur og er C- vítamínið þar að auki hitaþolið. Triphala hefur bæði andoxandi og bólgueyðandi áhrif en er einna þekktast fyrir góð áhrif á meltingarsjúkdóma, og þá sér í lagi hægðatregðu. Triphala hefur öldum saman verið notað fyrir eftirfarandi sjúkdóma:

  • hægðatregða, meltingartruflanir, háar magasýrur, vindverkir, ristilkrampi, sáraristill

  • offita
  • hár blóðþrýstingur, hátt kólesteról, áunnin sykursýki
  • bólgu- og gigtarsjúkdómar
  • gláka, ský á auga, hvarmabólga (bæði innvortis og sem augnskol)
  • hálsbólga og tannholdsbólga (bæði innvortis og sem munnskol)
  • krabbamein

Rannsóknir

Triphala hefur verið tölvert rannsakað en eins hafa allir þrír ávextirnar í triphala verið rannsakaðir í sitthvoru lagi. Tvær klínískar rannsóknir hafa sýnt að munnskol úr triphala hefur bakteríudrepandi áhrif í munni og dregur úr tannsteini, tannholdsbólgu og skán. Rannsókn á 62 offitusjúklingum yfir þriggja mánaða tímabil sýndi að þeir sem fengu triphala léttust meira en þeir sem fengu lyfleysu. Rannsóknir á heilbrigðum einstaklingum leiddi í ljós að triphala styrkir ónæmiskerfið og gæti gagnast þeim sem eru með HIV/AIDS. Rannsókn á 141 einstaklingum með augnþreytu vegna tölvunotkunar leiddi í ljós að triphala augndropar drógu úr augnþreytu og rannsókn á 150 sjúklingum með áunna sykursýki sýndi lækkun á blóðsykri með triphala. Ofangreindar rannsóknir hafa verið klínískar þ.e. gerðar á mönnum en þar að auki hafa verið gerðar ótalmargar rannsóknir á áhrifum triphala í tilraunaglösum og á dýrum. Þessar rannsóknir hafa meðal annars leitt í ljós að triphala getur styrkt ónæmiskerfið, verndað gegn geislum og hamlað vexti krabbameinsfrumna ásamt því að vera bólgueyðandi, andoxandi, bakteríu-, veiru- og sveppadrepandi og hægðalosandi. Rannsóknir hafa einnig sýnt að triphala lækkar blóðþrýsting, blóðsykur, kólesteról og magasýrur, græðir sár og hefur jákvæð áhrif á gigtarsjúkdóma, þvagfærasýkingar, ský á auga, niðurgang og stress ásamt því að draga úr tannskemmdum.

Skammtar

3-6 g á dag. Hefðbundið er að taka 2 g á morgnanna og 2 g 1 klst eftir kvöldmat. Triphala fæst í töflum í heilsubúðum og apótekum. Á Indlandi tíðkast að hræra triphala dufti saman við vatn, hunang og skírt smjöri (ghee).

Heimildir

Bag A, Bhattacharyya SK, Pal NK. Antibacterial potential of hydroalcoholic extracts of triphala components against multidrug-resistant uropathogenic bacteria–a preliminary report. Indian J Exp Biol. 2013 Sep;51(9):709-14.

Baliga MS, Meera S, Mathai B, Rai MP, Pawar V, Palatty PL. Scientific validation of the ethnomedicinal properties of the Ayurvedic drug Triphala: a review. Chin J Integr Med. 2012 Dec;18(12):946-54.

Baliga MS. Triphala, Ayurvedic formulation for treating and preventing cancer: a review. J Altern Complement Med. 2010 Dec;16(12):1301-8.

Kamali SH, Khalaj AR, Hasani-Ranjbar S, Esfehani MM, Kamalinejad M, Soheil O, Kamali SA. Efficacy of ‘Itrifal Saghir’, a combination of three medicinal plants in the treatment of obesity; A randomized controlled trial. Daru. 2012 Sep 10;20(1):33.

Narayan A, Mendon C. Comparing the effect of different mouthrinses on de novo plaque formation. J Contemp Dent Pract. 2012 Jul 1;13(4):460-3.

Phetkate P, Kummalue T, U-Pratya Y, Kietinun S. Significant increase in cytotoxic T lymphocytes and natural killer cells by triphala: a clinical phase I study. Evid Based Complement Alternat Med. 2012.

Rajan SS, Antony S. Hypoglycemic effect of triphala on selected non insulin dependent Diabetes mellitus subjects. Anc Sci Life. 2008 Jan;27(3):45-9.

Srinagesh J, Krishnappa P, Somanna SN. Antibacterial efficacy of triphala against oral streptococci: an in vivo study. Indian J Dent Res. 2012 Sep-Oct;23(5)

Srinagesh J, Pushpanjali K. Assessment of antibacterial efficacy of triphala against mutans streptococci: a randomised control trial. Oral Health Prev Dent. 2011;9(4):387-93.

Suresh Kumar Gupta, V. Kalaiselvan, Sushma Srivastava, Shyam S. Agrawal, and Rohit Saxena. Evaluation of anticataract potential of Triphala in selenite-induced cataracts: In vivo and in vitro studies. J Ayurveda Integr Med. 2010 Oct-Dec; 1(4): 280–286

2018-05-18T10:09:14+00:00