Grasaganga í Elliðaárdalnum 4. júní

Anna Rósa grasalæknir og Steinunn Harðardóttir dagskrágerðarkona hjá RÚV og forsprakki gönguklúbbsins Gönguhrólfs verða með grasagöngu í Elliðaárdalnum mánudagskvöldið 4. júní frá 20.00-21.30. Skoðaðar verða þær lækningajurtir sem finnast í dalnum og sagt frá lækningaáhrifum þeirra og leiðbeint með tínslu og þurrkun.

Í dalnum má m.a. finna mjaðjurt, vallhumal, fjallagrös, blágresi, birki, sigurskúf, hvönn, hóffífil, túnfífil, klóelftingu, fjalldalafífil, víði, blóðberg, maríustakk, rauðsmára, spánarkerfil og njóla sem allar eru þekktar lækningajurtir.

Lagt verður af stað frá Rafstöðinni í Elliðaárdal stundvíslega kl. 20.00.
 
Takmarkaður þátttökufjöldi.
Skráning á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Verð 2.900 kr.