Anna Rósa tínir sjálf íslensku lækningajurtirnar sem hún notar til að búa til tinktúrur sem er aldagömul vinnsluaðferð grasalækna þar sem virk efni úr lækningajurtum eru leyst upp í vínanda. Hún handhrærir krem og smyrsl sem öll innihalda þekktar lækningajurtir fyrir húðina en þau innihalda ekki paraben-rotvarnarefni, kemísk ilmefni, litarefni, erfðabreytt hráefni eða lanólín.

Aldagömul hefð er fyrir því að nota rauðsmára innvortis við húðsjúkdómum, svo sem exemi og sóríasis. Hann hefur einnig gefist vel við hósta og einkennum breytingaskeiðsins. Anna Rósa notar ferskan íslenskan rauðsmára í tinktúruna Rauðsmári og gulmaðra sem reynst hefur vel við sóríasis og exemi.